وزیر پٹرولیم سعودی عرب روانہ، توانائی ضروریات پر بات چیت متوقع

وفاقی وزیر برائے پیٹرولیم علی پرویز ملک اہم سفارتی اور معاشی مشن پر سعودی عرب کے سرکاری دورے پر روانہ ہو گئے ہیں۔ ذرائع کے مطابق اپنے اس دورے کے دوران وفاقی وزیر ریاض میں منعقد ہونے والی بین الاقوامی “ورلڈ پیٹرولیم کانگریس” میں پاکستان کی نمائندگی کریں گے اور توانائی کے شعبے سے وابستہ عالمی رہنماؤں اور سرمایہ کاروں سے ملاقاتیں کریں گے۔

سعودی حکام کے ساتھ ہونے والی اعلیٰ سطحی دوطرفہ ملاقاتوں میں علی پرویز ملک پاکستان کی پٹرولیم مصنوعات اور ایندھن کی مسلسل فراہمی کی ضروریات پر تفصیل سے بات چیت کریں گے۔ خاص طور پر آنے والے سرمائی موسم کے دوران ملک میں گیس کی متوقع شدید شارٹیج اور طلب کو پورا کرنے کے لیے ہنگامی بنیادوں پر طویل المدتی و قلیل المدتی اقدامات پر تبادلہ خیال کیا جائے گا۔ اس کے علاوہ سعودی عرب کی جانب سے پاکستان کے توانائی اور ریفائنری سیکٹر میں ممکنہ عربوں ڈالر کی سرمایہ کاری اور سی پیک سے منسلک پیٹرو کیمیکل منصوبوں پر پیش رفت کا جائزہ بھی لیا جائے گا۔