LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

کالعدم کمیٹی کی آزاد کشمیر میں انتشار پھیلانے کی سازش ایک بار پھر بے نقاب

Web Desk

26 June 2026

کالعدم عوامی ایکشن کمیٹی کی جانب سے عوامی حقوق کی آڑ میں آزاد جموں و کشمیر میں انتشار پھیلانے کی ایک اور بڑی سازش بے نقاب ہو گئی ہے۔ بغاوت، پرتشدد کارروائیوں اور اسلحے کے کھلے استعمال سے کمیٹی کی اصل حقیقت کھل کر سامنے آنے کے بعد آزاد کشمیر پولیس نے تخریب کاری کے لیے اسلحہ اسمگل کرنے والے عناصر کو دھر لیا۔ پولیس ذرائع کے مطابق، ڈڈیال سے راولاکوٹ اسلحہ منتقل کرنے کی کوشش کے دوران ناکے پر کارروائی کرتے ہوئے کالعدم انتشاری کمیٹی کے 2 کارندوں کو رنگے ہاتھوں گرفتار کیا گیا۔ گرفتار ملزمان نے دورانِ تفتیش انکشاف کیا کہ وہ اس تخریبی نیٹ ورک کے سرغنہ مہران، امان اور ناظم کے کارندے کے طور پر کام کر رہے تھے۔

گرفتار شرپسند نعیم نے اپنے اعترافی بیان میں کہا کہ وہ ایکشن کمیٹی کا باقاعدہ رکن ہے اور ماضی میں بھی توڑ پھوڑ اور پرتشدد کارروائیوں میں ملوث رہا ہے۔ اس نے بتایا کہ سرغنہ مہران نے انہیں ڈڈیال سے اسلحہ لانے کا حکم دیا تھا۔ نعیم نے یہ سنسنی خیز انکشاف بھی کیا کہ احتجاج میں شامل افراد کی گاڑیوں کی چابیاں مہران اور ناظم نے زبردستی اپنے پاس رکھ لی ہیں تاکہ کوئی واپس نہ جا سکے، جبکہ میرپور کے ایک لڑکے کو اغوا کے بعد تشدد اور بدفعلی کا نشانہ صرف اس لیے بنایا گیا تاکہ وہ ان کے خلاف کوئی بیان نہ دے سکے۔دوسرے گرفتار شرپسند عاقب نے اعتراف کیا کہ ان کے سرغنہ مہران نے واضح ہدایت دی تھی کہ یہ سارا اسلحہ پولیس اور رینجرز کے خلاف کارروائیوں میں استعمال کیا جائے گا۔ عاقب نے اپنے کیے پر پشیمانی کا اظہار کرتے ہوئے کہا کہ وہ آئندہ کالعدم عوامی ایکشن کمیٹی کی کسی سرگرمی کا حصہ نہیں بنیں گے اور انہوں نے عوام سے بھی اپیل کی کہ وہ ان شرپسندوں کے بہکاوے میں نہ آئیں۔