گوگل فوٹوز میں دلچسپ نیا فیچر، آپ کی تصاویر اب میمز بن سکیں گی

گوگل فوٹوز نے ایک نیا فیچر متعارف کرایا ہے جو صارفین کی تصاویر کو مزاحیہ میمز میں بدلنے کی سہولت فراہم کرتا ہے۔
اس فیچر کا نام میم می رکھا گیا ہے اور یہ فی الحال صرف امریکا میں دستیاب ہے۔
یہ فیچر جدید آرٹیفیشل انٹیلی جنس (AI) ٹیکنالوجی پر مبنی ہے، جو آپ کی تصاویر کو مختلف ٹیمپلیٹس کی مدد سے منفرد میمز میں تبدیل کرتا ہے۔
صارفین کو بس اپنی تصویر اپ لوڈ کرنی ہے، میم می آپشن منتخب کرنا ہے، اور ٹیمپلیٹ کا انتخاب کرکے میم تیار کرنا ہے۔
ایپ میں موجود ٹیمپلیٹس یا انٹرنیٹ میمز کو بطور ٹیمپلیٹ استعمال کیا جا سکتا ہے۔
تیار شدہ میم کو محفوظ کیا جا سکتا ہے، دوبارہ بنایا جا سکتا ہے یا شیئر کیا جا سکتا ہے۔
ابھی تک یہ فیچر عالمی سطح پر کب دستیاب ہوگا، اس بارے میں کوئی معلومات نہیں دی گئی ہیں۔