ڈیفنس سی کے ایس ایچ او معطل،بازیاب غیر ملکی خواتین نے بیان قلمبند کروا دیئے

لاہور کے علاقے ڈیفنس سی میں دو غیر ملکی خواتین کے اغوا اور مبینہ زیادتی کے ہولناک واقعے پر پولیس انتظامیہ نے ایکشن لیتے ہوئے ایس ایچ او فریاد اشرف کو معطل کر دیا ہے، جبکہ بازیاب کروائی گئی متاثرہ خواتین نے عدالت میں اپنے بیانات بھی قلمبند کروا دیے ہیں۔

تفصیلات کے مطابق، غیر ملکی خواتین کے اغوا اور زیادتی کا یہ افسوسناک واقعہ ڈیفنس سی تھانے کی حدود میں پیش آیا تھا۔ پولیس نے غفلت برتنے پر ایس ایچ او ڈیفنس سی کی معطلی کی باقاعدہ رپورٹ درج کر لی ہے۔ دوسری جانب بازیاب کروائی گئی دونوں غیر ملکی خواتین نے مجسٹریٹ کے سامنے دفعہ 164 کے تحت اپنے بیانات قلمبند کروا دیے ہیں۔ متاثرہ خواتین نے اپنے بیان میں انکشاف کیا ہے کہ ملزمان انہیں حبسِ بے جا میں رکھ کر تاوان کا مطالبہ کرتے رہے اور رقم نہ دینے پر سنگین دھمکیاں دیتے رہے۔

ذرائع کے مطابق، اس گھناؤنے واقعے میں ملوث ملزمان میں ایک بااثر سیاسی شخصیت کا قریبی رشتہ دار بھی شامل ہے۔ پولیس حکام کا کہنا ہے کہ وزیراعلیٰ پنجاب کی سخت ہدایات پر کسی بھی قسم کے سیاسی دباؤ کو خاطر میں نہ لاتے ہوئے میرٹ پر کارروائی عمل میں لائی جا رہی ہے، اور مذکورہ سیاسی شخصیت کے قریبی رشتہ دار کو مقدمے میں باقاعدہ نامزد کر کے قانونی کارروائی شروع کر دی گئی ہے۔

ڈیفنس سی کے ایس ایچ او معطل،بازیاب غیر ملکی خواتین نے بیان قلمبند کروا دیئے

Web Desk

متعلقہ عنوانات

پی ایس 30 خیرپور پر ضمنی انتخاب 16 اگست کو ہوگا، شیڈول جاری

گوجرانوالہ میں 4 سالہ بچی کو گھر والوں نے جادو کے چکر میں زندہ جلاکر مار ڈالا

ایئر چیف کا دورۂ بیلاروس، پاکستان دفاعی تعاون کے نئے مرحلے میں داخل

2027 سارک گیمز کی تیاریوں کے لئے سیکرٹریٹ قائم کرنے کا فیصلہ

سٹیٹ بینک کے زرمبادلہ ذخائر میں61 کروڑ 10 لاکھ ڈالر کا اضافہ

ای سی سی نے پاسکو کی مرحلہ وار بندش سے متعلق اہم فیصلوں کی منظوری دے دی

مون سون بارشوں کے پیش نظر سکولوں کے لیے حفاظتی ہدایات جاری