کراچی آرٹس کونسل میں احمد جہانزیب کے لائیو کنسرٹ کا شاندار انعقاد

کراچی: کراچی آرٹس کونسل کی جانب سے ممبران آرٹس کونسل اور ان کے اہل خانہ کے لیے پاکستان کے معروف پاپ گلوکار احمد جہانزیب کا لائیو کنسرٹ جون ایلیا لان میں منعقد کیا گیا۔

کنسرٹ کے آغاز میں احمد جہانزیب کے فنی سفر کے حوالے سے ایک شو ریل بھی پیش کی گئی، جس کے بعد انہوں نے اپنی دلکش آواز میں مشہور گانے پیش کیے۔ کنسرٹ میں شامل گانوں میں ‘تیرا میرا ہے پیار امر’، ‘آپ کی یاد’، ‘کہو اِک دن’، ‘خدا اور محبت’ شامل تھے۔

ہر گانے کے دوران حاضرین کی تالیاں اور داد نے ماحول کو مزید پرجوش اور دلکش بنا دیا۔ آرٹس کونسل کے ممبران اور ان کے اہل خانہ نے کنسرٹ میں بھرپور شرکت کی اور محظوظ ہوئے۔