ٹی ٹوئنٹی سیریز سے قبل قومی ٹیم کے کپتان سلمان آغا کا اہم بیان

راولپنڈی: قومی کرکٹ ٹیم کے کپتان سلمان علی آغا نے ٹی ٹوئنٹی سیریز سے قبل پریس کانفرنس میں کہا ہے کہ ٹیم میں کوئی بڑی تبدیلی نہیں کی جائے گی اور موجودہ حکمت عملی کے تحت ہی کھیل جاری رکھا جائے گا۔

پیر کے روز راولپنڈی کرکٹ اسٹیڈیم میں پریس کانفرنس کے دوران سلمان آغا نے کہا کہ “ٹیم میں نئے کھلاڑی ہیں، کوشش ہوگی کہ سب کو مواقع فراہم کیے جائیں۔ مڈل آرڈر میں ابھی اچھی کارکردگی نہیں آرہی، لیکن ہم اسی مومینٹم کو برقرار رکھیں گے جو وائٹ بال سیریز میں رہی۔”

کپتان نے مزید کہا کہ “صائم اور میں باؤلنگ میں حصہ لیں گے اور ہمارے پاس اچھے آل راؤنڈرز موجود ہیں، جنہیں مواقع دیے جائیں گے تاکہ ٹیم مضبوط رہے۔”