جعلی امریکن ایمبیسی کارڈ پر افغان شہری گرفتار،ڈپلومیٹک انکلیو میں داخل ہونے کی کوشش

اسلام آباد: پولیس اور انٹیلی جنس اہلکاروں نے ایک افغان شہری حارث کو گرفتار کر لیا، جو جعلی امریکن ایمبیسی کارڈ کے ذریعے ڈپلومیٹک انکلیو میں داخل ہونے کی کوشش کر رہا تھا۔ ذرائع کے مطابق، حارث گاڑی نمبر AAK-970 (وائٹ کرولا) پر دو خواتین کے ساتھ گیٹ-2 سے انکلیو میں داخل ہوا۔

پولیس کے مطابق افغان شہری مختلف فراڈ کے کیسز میں مطلوب تھا اور امریکی سفارت خانے نے بھی اس کے بارے میں شکایت درج کرائی تھی۔ پولیس اور انٹیلی جنس ایجنسیوں کی مشترکہ کارروائی کے بعد اسے گرفتار کر کے مزید قانونی کارروائی کے لیے PS سیکرٹریٹ منتقل کر دیا گیا ہے۔