پاکستان سے کشیدگی،افغان وزیرخارجہ کا قطری وزیرمملکت برائے خارجہ امور سے رابطہ

افغانستان کے وزیرخارجہ مولوی امیر مقتی نے پاکستان سے کشیدگی کے پیشِ نظر قطری وزیر مملکت برائے خارجہ امور سے ٹیلیفونک رابطہ کیا ہے۔

قطر کی وزارت خارجہ کی جانب سے جاری بیان میں کہا گیا کہ افغانستان کے نگراں وزیر خارجہ مولوی امیرمتقی نے قطری وزیر مملکت برائے خارجہ امورمحمد بن عبدالعزیز بن صالح سے ٹیلی فونک رابطہ کیا۔

وزارت خارجہ قطر کے مطابق ٹیلی فونک رابطے میں پاک افغان کشیدگی کم کرنے کے طریقوں، خطے میں امن اور استحکام کو بڑھانے پر تبادلہ خیال کیا گیا۔ترجمان نے بتایا کہ  قطری وزیرمملکت نے خطے اوربین الاقوامی سطح پر تنازعات کو پرامن طریقے سے حل کرنے پر قطرکی حمایت کا اعادہ کیا۔