اڈیالہ جیل کے باہر مذاکرات بے نتیجہ، دھرنا بدستور جاری؛ آئندہ ملاقات کی یقین دہانی
Web Desk
6 January 2026
راولپنڈی: اڈیالہ جیل کے گورکھپور ناکے پر پولیس اور سیاسی رہنماؤں کے درمیان دھرنا ختم کرانے کے لیے مذاکرات کیے گئے، تاہم بات چیت کسی حتمی نتیجے تک نہ پہنچ سکی۔
پولیس ذرائع کے مطابق دھرنا ختم کرنے کی صورت میں آئندہ منگل کو ملاقات کا اہتمام کرانے کی یقین دہانی کرائی گئی، جس پر دھرنا شرکاء نے باقاعدہ گارنٹی کا مطالبہ کیا۔ اس دوران محمود اچکزئی نے آخوند زادہ حسین کو مشاورت میں شامل کر لیا۔
ادھر علیمہ خانم اور پولیس کے درمیان ہونے والے ابتدائی مذاکرات ناکام ہو گئے، جس کے بعد علیمہ خان نے دھرنا ختم کرنے سے انکار کرتے ہوئے دوبارہ دھرنے میں شرکت کر لی۔ مذاکراتی ٹیم کی جانب سے علیمہ خان کو قائل کرنے کی کوششیں جاری رہیں، تاہم کوئی پیش رفت نہ ہو سکی۔
علیمہ خان کا دیگر بہنوں اور کارکنان کے ہمراہ دھرنا آٹھ گھنٹے سے زائد عرصے سے جاری ہے، جبکہ دھرنے میں محمود اچکزئی، علامہ راجہ ناصر عباس، سلمان اکرم راجہ، مینا خان آفریدی، جنید اکبر سمیت دیگر رہنما بھی موجود ہیں۔
صورتحال کے پیش نظر اڈیالہ جیل کے اطراف اینٹی رائٹ فورس اور پولیس کی بھاری نفری تعینات کر دی گئی ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026