بانی پی ٹی آئی کی صحت پر سیاست نہیں کریں گے: عابد شیر علی

سینیٹر عابد شیر علی نے کہا ہے کہ بانی پی ٹی آئی عمران خان کی صحت اور طبی معاملات پر سیاست نہیں ہونی چاہیے۔ ایک نجی ٹی وی پروگرام میں گفتگو کرتے ہوئے انہوں نے کہا کہ سیاسی مخالفت اپنی جگہ مگر انسانیت کے ناطے وہ بانی پی ٹی آئی کی صحتیابی کے لیے دعاگو ہیں۔ انہوں نے واضح کیا کہ ہسپتال کے باہر سیکیورٹی اقدامات میں خلل ڈالا گیا، جبکہ کارکنوں کو کنٹرول کرنا مشکل ہوتا ہے، اس لیے حکومت کی جانب سے کیے گئے انتظامی اقدامات پر کسی کو اعتراض نہیں ہونا چاہیے۔

عابد شیر علی نے تحریک انصاف کی جانب سے دائر کردہ توہینِ عدالت کی درخواست کو غیر ضروری قرار دیتے ہوئے کہا کہ اس معاملے میں وزیراعظم اور حکومت کو فریق نہیں بنایا جا سکتا کیونکہ جیل انتظامیہ اپنے قوانین اور قواعد و ضوابط کے تحت فیصلے کرتی ہے