ٹی 20 ورلڈ کپ: بھارتی اوپنر ابھیشیک شرما بیمار، نمیبیا اور پاکستان کے خلاف میچ مشکوک

لاہور: ٹی ٹوئنٹی ورلڈ کپ میں بھارتی ٹیم کے اوپنر ابھیشیک شرما اچانک بیمار ہو گئے ہیں۔ بھارتی میڈیا کے مطابق، ابھیشیک شرما معدے کے انفیکشن اور تیز بخار میں مبتلا ہیں اور انہیں دہلی کے ایک پرائیویٹ اسپتال میں داخل کیا گیا ہے۔

میڈیا رپورٹس کے مطابق، بھارتی بیٹر کی طبیعت امریکا کے خلاف میچ سے پہلے خراب ہوئی تھی، اور میچ کھیلنے کے بعد ان کی حالت مزید بگڑ گئی۔ابھیشیک شرما کی بیماری کے باعث نمیبیا کے خلاف میچ میں شرکت مشکوک ہے، جبکہ پاکستان کے خلاف میچ میں بھی ان کی شرکت غیر یقینی نظر آ رہی ہے۔بھارتی ٹیم کی طبی ٹیم اس صورتحال پر نظر رکھے ہوئے ہے اور فی الحال شرما کی مکمل صحت یابی پر توجہ مرکوز ہے۔