خطے میں موجود تمام امریکی فوجی اڈوں کو نشانہ بنائیں گے: ایرانی وزیر خارجہ

ایرانی وزیرِ خارجہ عباس عراقچی نے اپنے عراقی ہم منصب سے گفتگو کرتے ہوئے واضح کر دیا ہے کہ ایران اپنے دفاع کے لیے خطے میں موجود تمام امریکی فوجی اڈوں کو نشانہ بنائے گا۔ عرب میڈیا کی رپورٹ کے مطابق، ایران نے قطر، بحرین، متحدہ عرب امارات، کویت اور سعودی عرب میں واقع امریکی فوجی تنصیبات پر حملے کیے ہیں۔ دوسری جانب ایرانی نیشنل سیکیورٹی کمیشن کے سربراہ نے اسرائیل کو سخت انتباہ دیتے ہوئے کہا ہے کہ ایران نے تمہیں وارننگ دے دی تھی، اب جو کچھ ہوگا وہ تمہارے اختیار میں نہیں رہے گا۔ یہ صورتحال امریکہ اور اسرائیل کی جانب سے ایران پر کیے گئے حالیہ حملوں کے جواب میں سامنے آئی ہے۔