ایرانی وزیر خارجہ کی اردن کے ہم منصب پر شدید تنقید

ایرانی وزیر خارجہ عباس عراقچی نے اردن کے وزیر خارجہ کی جانب سے امریکی فوجی اڈوں پر ایرانی جوابی کارروائیوں کی مذمت پر شدید ردِعمل کا اظہار کرتے ہوئے سخت تنقید کی ہے۔ عباس عراقچی نے سوال اٹھایا کہ اردن کے وزیر خارجہ بتائیں کہ اپنے ملک اور عوام پر جاری جارحیت کا جواب دینے کے لیے آخر کتنا انتظار کرنا چاہیے؟ ایرانی وزیر خارجہ نے کہا کہ امریکہ خطے کے کسی بھی ملک، چاہے وہ ایران ہو یا دیگر عرب ممالک، کسی کی بھی قومی خودمختاری کا احترام نہیں کرتا۔ انہوں نے سوال کیا کہ کیا اردن کے وزیر خارجہ خطے کی اس تلخ اور عیاں حقیقت سے واقعی ناواقف ہیں؟