ہیوسٹن میں فائرنگ ، ڈاکٹر عافیہ صدیقی کے نوجوان بھتیجا جاں بحق

ہیوسٹن: امریکا کے شہر ہیوسٹن میں پیش آنے والے فائرنگ کے واقعے میں ڈاکٹر عافیہ صدیقی کے نوجوان بھتیجے عماد صدیقی جاں بحق ہو گئے، جس سے پاکستانی برادری میں غم و افسوس کی فضا قائم ہو گئی ہے۔

پولیس کے مطابق یہ واقعہ آلٹن کے علاقے میں پیش آیا جہاں کار چھیننے کی کوشش کے دوران ملزمان نے فائرنگ کی اور موقع سے فرار ہو گئے۔ حملہ آور ایک کرسلر گاڑی میں سوار تھے۔

حکام نے بتایا کہ قریبی نگرانی نظام کی مدد سے مشتبہ افراد کی شناخت کر لی گئی ہے اور پاساڈینا پولیس ان کی گرفتاری کے لیے متحرک ہے۔

مرحوم کی نماز جنازہ آج بعد نماز ظہر مسجد صابرین میں ادا کی جائے گی، جہاں عزیز و اقارب اور کمیونٹی کے افراد کی بڑی تعداد شریک ہوگی۔

واضح رہے کہ ڈاکٹر عافیہ صدیقی امریکا میں قید ہیں، جبکہ اس واقعے کے بعد سوشل میڈیا پر بھی شدید ردعمل دیکھنے میں آ رہا ہے۔