سری لنکا کے خلاف ٹی ٹونٹی سیریز، پاکستان کرکٹ ٹیم کولمبو پہنچ گئی

سری لنکا کے خلاف ٹی ٹونٹی سیریز کے لیے پاکستان کرکٹ ٹیم کا اسکواڈ کولمبو پہنچ گیا ہے۔

آئی ایل ٹی ٹونٹی لیگ میں مصروف رہنے والے نسیم شاہ، فخر زمان اور عثمان طارق نے بھی کولمبو پہنچ کر قومی اسکواڈ کو جوائن کر لیا ہے۔پاکستانی ٹیم آج رات مقامی وقت کے مطابق رات 8 بجے پریکٹس سیشن میں حصہ لے گی، جس میں سیریز کی تیاریوں کا باقاعدہ آغاز کیا جائے گا۔دوسری جانب قومی ٹیم کے کپتان سلمان علی آغا کل مقامی وقت کے مطابق شام 4 بجے میڈیا سے گفتگو کریں گے، جس میں سیریز سے متعلق حکمتِ عملی اور تیاریوں پر روشنی ڈالی جائے گی۔