LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

اچھی گورننس سے بڑھ کر کوئی سیاست نہیں، صوبوں میں تفریق نہیں کی: مریم نواز

Web Desk

5 January 2026

وزیراعلیٰ پنجاب مریم نواز نے کہا ہے کہ اچھی گورننس سے بڑھ کر کوئی سیاست نہیں ہوتی اور حکومت پنجاب نے کبھی صوبوں کے درمیان تفریق نہیں کی۔

صوبائی دارالحکومت میں نیشنل ورکشاپ بلوچستان کے شرکاء سے ملاقات کے دوران گفتگو کرتے ہوئے وزیراعلیٰ پنجاب نے کہا کہ بلوچ طلبہ ہمارے معزز مہمان ہیں اور آپ سے ملاقات پر خوشی ہوئی۔ انہوں نے کہا کہ جیسے ہی معلوم ہوا کہ شرکاء ملاقات کے خواہاں ہیں تو فوری طور پر ملاقات کا اہتمام کیا گیا۔

مریم نواز نے واضح کیا کہ آبادی کے لحاظ سے پنجاب سب سے بڑا صوبہ ضرور ہے، تاہم یہ تاثر غلط ہے کہ پنجاب کو زیادہ وسائل ملتے ہیں۔ ان کا کہنا تھا کہ وفاقی فنڈز کی تقسیم آبادی کے تناسب سے ہوتی ہے اور اس حوالے سے پھیلائی جانے والی باتوں میں کوئی صداقت نہیں۔

وزیراعلیٰ پنجاب نے کہا کہ ہمیں پنجابی، سندھی، بلوچی یا کسی اور شناخت کی بنیاد پر تقسیم نہیں ہونا چاہیے کیونکہ ایسی تفریق ملک کو کمزور کرتی ہے۔ انہوں نے کہا کہ پنجاب کے تعلیمی اداروں میں ملک کے تمام صوبوں سے تعلق رکھنے والے طلبہ زیرِ تعلیم ہیں اور حکومت سب کو برابر سمجھتی ہے۔

انہوں نے کہا کہ پنجاب میں سفارش کلچر کا خاتمہ کر دیا گیا ہے اور تقرریاں خالصتاً میرٹ کی بنیاد پر کی جا رہی ہیں۔ ان کا کہنا تھا کہ گزشتہ چند برسوں میں یہ برائیاں پروان چڑھیں، تاہم موجودہ حکومت بلا تفریق عوام کی خدمت پر یقین رکھتی ہے اور صوبے کے وسائل عوام ہی پر خرچ کیے جا رہے ہیں۔

امن و امان کی صورتحال پر بات کرتے ہوئے وزیراعلیٰ نے کہا کہ صوبے کے بعض علاقوں میں کئی کئی دن تک کسی جرم کی اطلاع موصول نہیں ہوتی۔ سی سی ڈی کی مؤثر کارروائیوں کے باعث ہراسانی کے واقعات میں نمایاں کمی آئی ہے اور خواتین کو محفوظ ماحول فراہم کرنا حکومت کی اولین ترجیح ہے۔

مریم نواز نے بتایا کہ ’اپنا گھر اسکیم‘ کے تحت روزانہ تقریباً 500 گھروں کی تعمیر جاری ہے اور اب تک 65 ہزار گھر مکمل ہو چکے ہیں۔ انہوں نے کہا کہ پنجاب کے دروازے دوسرے صوبوں کے لیے بھی کھلے ہیں اور ملک کا مستقبل نوجوانوں کے ہاتھ میں ہے۔

انہوں نے نوجوانوں کو مخاطب کرتے ہوئے کہا کہ وہ کسی کے بہکاوے میں نہ آئیں، آپ پاکستان کا جھنڈا بلند کرنے والے لوگ ہیں اور ملک کا مستقبل آپ سے وابستہ ہے۔

وزیراعلیٰ پنجاب نے مزید بتایا کہ صوبے میں پہلی بار ایئر ایمبولینس سروس کا آغاز کیا گیا، سڑکوں کے جال کو وسعت دی گئی، سیف سٹیز منصوبے کا دائرہ کار بڑھایا جا رہا ہے اور اپنی مدتِ حکومت میں صوبے بھر میں امراضِ قلب کے جدید ہسپتال قائم کیے جائیں گے۔