وینزویلا میں تیل تک مکمل رسائی ہونی چاہئے ورنہ دوسرا حملہ بھی کریں گے: ٹرمپ
Web Desk
5 January 2026
امریکی صدر ڈونلڈ ٹرمپ نے کہا ہے کہ اگر وینزویلا نے اپنا رویہ درست نہ کیا تو امریکا ایک اور حملہ کرنے سے گریز نہیں کرے گا۔ ایئر فورس ون میں صحافیوں سے گفتگو کرتے ہوئے ٹرمپ نے کہا کہ امریکا کو وینزویلا میں موجود تیل اور دیگر وسائل تک مکمل رسائی حاصل ہونی چاہیے۔
ٹرمپ نے وینزویلا کی نائب صدر ڈیلسی روڈریگز کو بھی دھمکیاں دیتے ہوئے کہا کہ اگر انہوں نے امریکی مطالبات پر عمل نہیں کیا، تو انہیں مادورو سے بھی زیادہ بھاری قیمت چکانی پڑے گی۔ صدر ٹرمپ نے مزید کہا کہ وینزویلا شاید امریکی مداخلت کا آخری ملک نہ ہو، اور امریکا کو گرین لینڈ کی ضرورت ہے کیونکہ وہ چین اور روس کی سرگرمیوں سے گھرا ہوا ہے۔
کیوبا، کولمبیا اور میکسیکو کو بھی دھمکیاں
ٹرمپ نے کیوبا کے حوالے سے سخت الفاظ استعمال کیے اور دعویٰ کیا کہ “کیوبا کی حکومت جلد ہی گر جائے گی” کیونکہ ان کی آمدنی وینزویلا سے آتی تھی، جو اب رک چکی ہے۔ کولمبیا کی حکومت کو بھی تنقید کا نشانہ بناتے ہوئے ٹرمپ نے کہا کہ کولمبیا کوکین کی پیداوار اور فروخت میں ملوث ہے اور “وہ زیادہ عرصے تک ایسا نہیں کر پائے گا۔”
میکسیکو کو خبردار کرتے ہوئے ٹرمپ نے کہا کہ اگر اس ملک نے اپنا نظام درست نہ کیا تو امریکا کو کچھ نہ کچھ کرنا پڑے گا۔
مودی کے ساتھ تعلقات اور روسی تیل کی درآمدات
بھارت کی طرف سے روسی تیل کی خریداری پر امریکی صدر نے کہا کہ بھارتی وزیر اعظم نریندر مودی “جانتے تھے کہ میں خوش نہیں ہوں، وہ مجھے خوش کرنا چاہتے تھے”۔ ٹرمپ نے کہا کہ “پی ایم مودی بہت اچھے آدمی ہیں” اور اس بات کا اشارہ دیا کہ بھارت پر مزید ٹیرف عائد کرنے کی دھمکی دی جا سکتی ہے۔
پیوٹن کی رہائش گاہ پر یوکرینی حملے کی تردید
ٹرمپ نے روسی دعوے پر ردعمل دیتے ہوئے کہا کہ وہ یوکرین کی طرف سے پیوٹن کی رہائش گاہ پر حملے کے دعوے پر یقین نہیں رکھتے، اور کہا کہ قریب کوئی واقعہ ضرور ہوا تھا، مگر وہ پیوٹن کی رہائش سے متعلق نہیں تھا
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026