جے یو آئی (ف) سربراہ مولانا فضل الرحمان سے جید علماء کرام کے وفد کی ملاقات
Web Desk
4 January 2026
جمعیت علمائے اسلام (ف) کے سربراہ مولانا فضل الرحمان سے راولپنڈی اور اسلام آباد کے جید علماء کرام کے ایک وفد نے ملاقات کی، جس میں مساجد اور دینی مدارس کے تحفظ، رجسٹریشن اور حالیہ حکومتی اقدامات پر تفصیلی تبادلۂ خیال کیا گیا۔
ملاقات کے دوران مولانا فضل الرحمان نے مساجد و مدارس کے تحفظ کے لیے مکمل تعاون کی یقین دہانی کراتے ہوئے کہا کہ دینی اداروں کے تحفظ پر کسی قسم کا سمجھوتہ نہیں کیا جائے گا۔ انہوں نے واضح کیا کہ بیرونی دباؤ پر حکومت کی جانب سے مساجد و مدارس کے خلاف کسی بھی سازش کا بھرپور مقابلہ کیا جائے گا۔
مولانا فضل الرحمان کا کہنا تھا کہ دینی مدارس کے خلاف اختیار کیا جانے والا رویہ دراصل بیرونی ایجنڈے کا حصہ ہے، جس کا مقصد مذہبی نوجوانوں کو مشتعل کر کے ریاست کے خلاف کھڑا کرنا ہے۔ انہوں نے مزید کہا کہ مدارس کے کردار کو محدود کرنے کی کوشش اس امر کا ثبوت ہے کہ کچھ قوتیں ملک میں ایسے ماہرینِ شریعت نہیں دیکھنا چاہتیں جو شریعت کے مطابق قانون سازی کر سکیں۔
ترجمان جے یو آئی اسلام آباد کے مطابق راولپنڈی اور اسلام آباد میں مساجد و مدارس کے انہدام سے متعلق حکومتی اقدامات پر شدید تشویش کا اظہار کیا گیا۔ ترجمان نے بتایا کہ حکومتی بدنیتی کے باعث مدارس کی رجسٹریشن میں تاخیر پر اسلام آباد میں بڑے احتجاجی مظاہرے پر غور کیا جا رہا ہے۔ ملاقات میں مدنی مسجد کی تعمیرِ نو کے بعد کی صورتحال پر بھی غور و خوض کیا گیا۔
وفد کی قیادت امیر جے یو آئی اسلام آباد مفتی اویس عزیز نے کی، جبکہ اجلاس میں جے یو آئی پنجاب کے صوبائی رہنما مولانا سعید الرحمان سرور، مفتی عبدالرحمان، ڈاکٹر عتیق الرحمان، ڈاکٹر ضیاء الرحمان، مولانا نذیر احمد فاروقی، مولانا عبدالغفار، مفتی عبدالسلام، مفتی امیر زیب، ارشد عباسی، مفتی عبداللہ، مفتی مسرت اقبال، قاری اسرار اللہ، مولانا عبدالکریم، مولانا عبدالقدوس محمدی اور مولانا احمد الرحمان سمیت دیگر علماء کرام شریک ہوئے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026