LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

وینزویلا پر امریکی حملے کے خلاف امریکا سمیت دنیا بھر میں مظاہرے

Web Desk

4 January 2026

امریکا کی جانب سے وینزویلا پر فوجی کارروائی کے خلاف امریکی شہروں سمیت دنیا کے مختلف ممالک میں بڑے پیمانے پر مظاہرے کیے گئے، جن میں امریکی صدر ڈونلڈ ٹرمپ کے خلاف شدید نعرے بازی کی گئی۔

واشنگٹن اور دیگر امریکی شہروں میں مظاہرین نے وینزویلا کے خلاف امریکی فوجی کارروائی اور صدر نکولس مادورو کو حراست میں لینے کے فیصلے کی مذمت کی۔ احتجاج کے دوران صدر ٹرمپ کی گرفتاری اور انہیں قانون کے کٹہرے میں لانے کے مطالبات بھی سامنے آئے۔

امریکی میڈیا کے مطابق شکاگو سمیت کئی بڑے شہروں میں عوام سڑکوں پر نکل آئے۔ مظاہرین نے امریکی کارروائی کو غیر قانونی جارحیت قرار دیتے ہوئے کہا کہ یہ اقدام بین الاقوامی قوانین کی کھلی خلاف ورزی ہے۔ ٹرمپ انتظامیہ کے خلاف شدید نعرے لگائے گئے اور امریکی مداخلت فوری ختم کرنے کا مطالبہ کیا گیا۔

واشنگٹن اور پورٹ لینڈ میں احتجاجی مظاہرے منظم انداز میں منعقد کیے گئے، جہاں شرکا نے کہا کہ امریکا کو وینزویلا سمیت کسی بھی ملک میں غیر ضروری جنگوں سے دور رہنا چاہیے۔

نیویارک کے ٹائمز اسکوائر میں بھی ریلی نکالی گئی، جہاں مظاہرین نے صدر ٹرمپ کی گرفتاری کا مطالبہ کیا۔ ادھر یورپ میں بھی امریکی کارروائی کے خلاف احتجاج دیکھنے میں آیا، پیرس میں بائیں بازو کے مظاہرین نے وینزویلا پر امریکی حملوں کی مذمت کرتے ہوئے وینزویلا کے جھنڈے لہرائے۔

اسی طرح یونان کے دارالحکومت ایتھنز میں ہزاروں افراد نے صدر مادورو کی گرفتاری کے خلاف مارچ کیا، جبکہ اٹلی کے دارالحکومت روم میں بھی امریکی فوجی آپریشن کے خلاف احتجاج کیا گیا۔

لاطینی امریکا میں بھی ردعمل سامنے آیا، جہاں ارجنٹائن اور کولمبیا میں امریکی جارحیت کے خلاف مظاہرے کیے گئے۔

واضح رہے کہ صدر ڈونلڈ ٹرمپ نے دعویٰ کیا ہے کہ امریکا وینزویلا میں عبوری انتظام چلائے گا اور صدر مادورو اور ان کی اہلیہ کو نیویارک میں عدالتی کارروائی کا سامنا کرنا ہوگا، جس پر عالمی سطح پر شدید ردعمل جاری ہے۔