خودمختار ریاست پر حملہ جنگ کے مترادف، بین الاقوامی قوانین کی صریح خلاف ورزی ہے: زہران ممدانی
Web Desk
3 January 2026
نیویارک کے میئر ظہران ممدانی نے وینزویلا پر امریکی کارروائی اور صدر نکولس مادورو کو اہلیہ سمیت گرفتار کیے جانے کے اعلان پر سخت ردعمل دیتے ہوئے کہا ہے کہ کسی خودمختار ریاست پر یکطرفہ حملہ جنگ کے مترادف اور بین الاقوامی قوانین کی کھلی خلاف ورزی ہے۔
سوشل میڈیا پلیٹ فارم ایکس پر جاری بیان میں ظہران ممدانی نے کہا کہ انہیں وینزویلا کے صدر نکولس مادورو اور ان کی اہلیہ کی امریکی فوج کے ہاتھوں گرفتاری اور انہیں نیویارک سٹی منتقل کر کے وفاقی تحویل میں رکھنے کے منصوبے کے بارے میں بریفنگ دی گئی ہے۔
انہوں نے واضح کیا کہ کسی خودمختار ملک پر حملہ یا زبردستی کارروائی نہ صرف عالمی قوانین کی نفی ہے بلکہ اس کے نتائج صرف بیرونِ ملک تک محدود نہیں رہتے۔ ان کے مطابق حکومت کی تبدیلی کے کھلے ایجنڈے کے اثرات براہِ راست نیویارک کے شہریوں تک پہنچتے ہیں، جن میں دسیوں ہزار وہ افراد بھی شامل ہیں جو وینزویلا سے تعلق رکھتے ہیں اور نیویارک کو اپنا گھر کہتے ہیں۔
نیویارک کے میئر کا کہنا تھا کہ ان افراد سمیت ہر نیویارک کے شہری کی سلامتی ان کی اولین ترجیح ہے۔ انہوں نے مزید کہا کہ ان کی انتظامیہ صورتحال پر گہری نظر رکھے ہوئے ہے اور ضرورت کے مطابق رہنمائی اور اقدامات جاری رکھے جائیں گے۔
واضح رہے کہ اس سے قبل فلوریڈا میں پریس کانفرنس کرتے ہوئے سابق امریکی صدر ڈونلڈ ٹرمپ نے وینزویلا کے صدر نکولس مادورو کے خلاف کرمنل چارجز عائد کرنے کا اعلان کیا تھا اور دعویٰ کیا تھا کہ مادورو اور ان کی اہلیہ کو نیویارک منتقل کر کے قانون کے کٹہرے میں لایا جائے گا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026