جعلی خبروں کے خلاف ایران اور پاکستان کے سرکاری میڈیا کےدرمیان تعاون پر اتفاق
Web Desk
3 January 2026
ایران اور پاکستان نے جعلی خبروں اور غلط معلومات کے پھیلاؤ کے خلاف مشترکہ میڈیا تعاون کی ضرورت پر زور دیا ہے۔ اس حوالے سے ایران کے سفیر اور پاکستان کی سرکاری خبر رساں ایجنسی ایسوسی ایٹڈ پریس آف پاکستان (اے پی پی) کے سربراہ کے درمیان اہم ملاقات ہوئی۔
اسلام آباد میں اے پی پی کے ہیڈکوارٹرز کے دورے کے موقع پر ایران کے سفیر رضا امیری مقدم نے اے پی پی کے منیجنگ ڈائریکٹر محمد عاصم کھیچی سے ملاقات کی، جس میں دونوں ممالک کے درمیان دوطرفہ تعلقات، علاقائی صورتحال اور میڈیا تعاون پر تفصیلی تبادلہ خیال کیا گیا۔
ملاقات کے دوران اس بات پر اتفاق کیا گیا کہ ایران کی سرکاری نیوز ایجنسی آئی آر این اے اور اے پی پی کے درمیان مستقل رابطہ جعلی خبروں، پروپیگنڈے اور خبروں میں تحریف کے خلاف مؤثر کردار ادا کر سکتا ہے۔
ایرانی سفیر نے کہا کہ دونوں ہمسایہ ممالک کے سرکاری میڈیا ادارے عوامی رائے کی درست سمت میں رہنمائی کے لیے نہایت اہم کردار ادا کرتے ہیں۔ انہوں نے 12 روزہ مسلط کردہ جنگ کے دوران ایرانی قوم کے ساتھ پاکستانی عوام اور حکومت کی حمایت کو سراہتے ہوئے کہا کہ دونوں ممالک مشکل وقت میں ایک دوسرے کے ثابت قدم دوست ہیں۔
رضا امیری مقدم نے خطے میں ایران کی امن پسند سفارتکاری پر روشنی ڈالتے ہوئے کہا کہ عوامی سفارتکاری اور میڈیا تعاون سے نئے مواقع تلاش کیے جا سکتے ہیں۔ انہوں نے پاکستان کے ساتھ نئے بارڈر کراسنگ پوائنٹس کے قیام، اسلام آباد اور تہران کے درمیان براہ راست پروازوں کے آغاز اور حالیہ اعلیٰ سطحی دوروں کا بھی ذکر کیا۔
دوسری جانب اے پی پی کے منیجنگ ڈائریکٹر محمد عاصم کھیچی نے فلسطین کے مسئلے پر ایران کے مؤقف کو سراہتے ہوئے کہا کہ پاکستان اور ایران کے درمیان میڈیا تعاون کو مزید وسعت دی جائے گی تاکہ معاشی اور سماجی تعلقات کو فروغ دیا جا سکے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026