نو منتخب میئر نیویارک زہران ممدانی نے نوکریوں کا اعلان کر دیا
Web Desk
7 November 2025
نیویارک کے نو منتخب میئر زہران ممدانی نے سٹی ہال میں مختلف عہدوں کے لیے نوکریوں کا اعلان کر دیا ہے۔ ممدانی کی ٹیم کے مطابق وہ ڈپٹی میئرز، کمشنرز اور دیگر تمام عہدوں کے لیے اہل امیدواروں کی تلاش میں ہیں۔ امیدوار جمعرات سے شروع ہونے والے نئے پورٹل کے ذریعے درخواستیں جمع کرا سکتے ہیں۔
ٹرانزیشن ایگزیکٹیو ڈائریکٹر ایلاناہ لیوپولڈ نے بیان میں کہا کہ “ہم بہترین صلاحیتوں کی تلاش میں ہیں، اسی لیے ہم پانچوں بورو کے نیویارکرز سے کہہ رہے ہیں کہ وہ ہمارے ساتھ جڑیں اور ایک ایسی شہر کی تشکیل میں حصہ لیں جو سب کے لیے قابلِ برداشت ہو۔”
یہ اعلان اُس وقت سامنے آیا ہے جب ممدانی نے اپنی ٹرانزیشن ٹیم کی قیادت کرنے والی شخصیات کے ناموں کا اعلان کیا، جن میں ماریا ٹوریس اسپرنگر، گریس بونیلا، لینا خان، میلینی ہارٹزوگ اور ایلاناہ لیوپولڈ شامل ہیں۔
34 سالہ ڈیموکریٹک سوشلسٹ زہران ممدانی جنوری میں عہدہ سنبھالیں گے۔ ان کے فیصلوں پر خاص نظر رکھی جائے گی کیونکہ وہ نسبتاً کم عمر اور حکومتی تجربے میں نئے ہیں۔ اب تک وہ صرف جیسیکا ٹش کو پولیس کمشنر کے طور پر برقرار رکھنے کا اعلان کر چکے ہیں۔
یہ اعلان ہر سطح کے امیدواروں کے لیے کھلا ہے، خواہ وہ کمیونٹی آرگنائزر ہوں، پالیسی ایکسپرٹ، سرکاری تجربہ رکھنے والے افسران یا عام نیویارکرز۔ ان تقرریوں کے ذریعے ظہران ممدانی اپنی انتخابی مہم کے وعدوں کو عملی شکل دینے کا ارادہ رکھتے ہیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026