امریکا کا وینزویلا پر حملہ کامیاب، صدر اور اہلیہ کو گرفتار کرکے ملک بدر کردیا: ٹرمپ
Web Desk
3 January 2026
امریکا کے صدر ڈونلڈ ٹرمپ نے دعویٰ کیا ہے کہ امریکا نے وینزویلا اور اس کی قیادت کے خلاف ایک بڑا اور کامیاب آپریشن مکمل کر لیا ہے، جس کے نتیجے میں وینزویلا کے صدر نکولس مادورو اور ان کی اہلیہ کو گرفتار کر کے ملک بدر کر دیا گیا ہے۔
سوشل میڈیا پر جاری بیان میں صدر ٹرمپ نے کہا کہ ریاستہائے متحدہ امریکا نے وینزویلا کی قیادت کے خلاف بڑے پیمانے پر کارروائی کی، جو امریکی قانون نافذ کرنے والے اداروں کے اشتراک سے انجام دی گئی۔ ان کے مطابق اس آپریشن کی مزید تفصیلات بعد میں جاری کی جائیں گی۔
اس سے قبل اطلاعات سامنے آئیں کہ امریکی فوج نے وینزویلا کے دارالحکومت کراکس سمیت مختلف مقامات پر فضائی حملے کیے۔ کراکس میں زور دار دھماکوں کی آوازیں سنی گئیں جبکہ طیاروں کی نچلی پروازیں بھی دیکھی گئیں۔ امریکی میڈیا کے مطابق دارالحکومت میں کم از کم سات دھماکے ہوئے ہیں۔
امریکی حکام نے خبر ایجنسی سے گفتگو میں تصدیق کی کہ امریکا وینزویلا کے خلاف فوجی کارروائی کر رہا ہے۔ وینزویلا کی حکومت نے بھی تصدیق کی ہے کہ حملے کراکس، میرانڈا، آراگوا اور لاگویرا ریاستوں میں کیے گئے۔ وینزویلا حکام کے مطابق ان حملوں کا مقصد ملک کے تیل اور معدنی وسائل پر قبضہ کرنا ہے۔
وینزویلا حکومت نے امریکی حملوں کو شدید الفاظ میں مسترد کرتے ہوئے کہا ہے کہ امریکا ہمارے وسائل حاصل کرنے میں کامیاب نہیں ہوگا۔ حملوں کے بعد صدر نکولس مادورو نے ملک میں ایمرجنسی نافذ کر دی ہے۔
دوسری جانب روسی میڈیا نے دعویٰ کیا ہے کہ امریکی حملوں میں وینزویلا کے دفاعی ہیڈکوارٹرز کو نشانہ بنایا گیا، جبکہ صدر مادورو صدارتی محل چھوڑ چکے ہیں۔ روسی میڈیا کے مطابق وینزویلا کے بعض جزائر میں امریکی میرینز کے زمینی آپریشن شروع ہونے کی غیر مصدقہ اطلاعات بھی موصول ہوئی ہیں۔
ادھر کولمبیا کے صدر نے کہا ہے کہ کراکس پر میزائل داغے جا رہے ہیں اور انہوں نے اقوام متحدہ کی سلامتی کونسل کا ہنگامی اجلاس بلانے کا مطالبہ کیا ہے۔
میڈیا رپورٹس کے مطابق کراکس کے جنوبی علاقوں میں بجلی کی فراہمی معطل ہو چکی ہے، شہریوں کو نقل و حرکت محدود کرنے کی ہدایات جاری کر دی گئی ہیں جبکہ مختلف مقامات سے دھوئیں کے بادل اٹھتے دیکھے جا رہے ہیں۔ ایک اہم فوجی اڈے فورچونا کے قریب بھی شدید دھماکوں کی اطلاعات ہیں۔
ادھر کولمبیا میں امریکی سفارتخانے نے وینزویلا میں موجود امریکی شہریوں کے لیے وارننگ جاری کرتے ہوئے کہا ہے کہ وہ فوری طور پر محفوظ مقامات پر منتقل ہو جائیں اور وینزویلا کا سفر نہ کریں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026