عمران خان جیل میں شدید فرسٹریشن کا شکار ہیں: انجینئر محمد علی مرزا
Web Desk
2 January 2026
مذہبی اسکالر انجینئر محمد علی مرزا نے کہا ہے کہ بانی پاکستان تحریکِ انصاف عمران خان جیل میں شدید فرسٹریشن کا شکار ہیں، تاہم دو سال تک جیل کاٹنے والے کسی بھی شخص کے لیے ایسی کیفیت غیر معمولی نہیں ہوتی۔
اڈیالہ جیل راولپنڈی میں قید رہنے والے انجینئر محمد علی مرزا نے نجی ٹی وی کو انٹرویو دیتے ہوئے جیل کے اندر کی صورتحال اور عمران خان کو میسر سہولیات سے متعلق تفصیلات بیان کیں۔
انجینئر محمد علی مرزا کے مطابق عمران خان کو جیل میں محل جیسی سہولیات تو حاصل نہیں، تاہم انہیں بیرونی دنیا کی خبروں تک رسائی حاصل ہے۔ انہوں نے بتایا کہ عمران خان کو دو اخبارات فراہم کیے جاتے ہیں جبکہ ان کے کمرے میں ایل ای ڈی بھی نصب ہے۔
انہوں نے مزید بتایا کہ عمران خان کو رہائش کے لیے چھ چکیاں الاٹ کی گئی تھیں، جن میں سے پانچ ان کے ذاتی استعمال میں ہیں جبکہ چھٹی چکی میں ان کا مشقتی رہتا ہے۔ ان کے مطابق عمران خان دن میں دو مرتبہ اپنی چکی سے باہر آتے تھے، صبح 9 بجے ناشتے کے لیے اور دوپہر 3 بجے کھانے کے لیے۔
انجینئر محمد علی مرزا کا کہنا تھا کہ عمران خان کا مشقتی دیسی گھی میں کھانا تیار کرتا تھا، جس کی خوشبو اطراف میں بھی محسوس کی جاتی تھی۔
انہوں نے بتایا کہ جب بانی پی ٹی آئی غصّے میں آتے تو بہت بلند آواز میں اور مسلسل گفتگو کرتے تھے۔ انجینئر محمد علی مرزا کے مطابق عمران خان جیل میں خاصے فرسٹریٹڈ دکھائی دیتے ہیں، تاہم دو سال تک قید کاٹنے والے شخص کے لیے یہ کیفیت غیر معمولی نہیں سمجھی جا سکتی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026