آزاد خان کو کراچی پولیس چیف تعینات، نوٹیفکیشن جاری

چیف سیکرٹری سندھ کی جانب سے جاری نوٹیفکیشن کے مطابق ایڈیشنل آئی جی سی ٹی ڈی سندھ آزاد خان کو کراچی پولیس چیف کے طور پر تعینات کر دیا گیا ہے۔

نوٹیفکیشن میں بتایا گیا ہے کہ گریڈ 21 کے افسر آزاد خان کے ساتھ ذوالفقار لاڑک کو ایڈیشنل آئی جی اسپیشل برانچ تعینات کیا گیا ہے جبکہ شرجیل کھرل کو ایڈیشنل آئی جی آپریشنز سندھ کے طور پر تعینات کیا گیا ہے۔

اسی طرح، اقبال دارا کو ایڈیشنل آئی جی پولیس ٹریننگ سندھ کا اضافی چارج دیا گیا ہے۔ پرویز چانڈیو کو ڈی آئی جی اسٹیبلشمنٹ، اور فیصل عبداللّٰہ چاچڑ کو ڈی آئی جی میرپور خاص کے طور پر تعینات کیا گیا ہے۔

نوٹیفکیشن کے مطابق ڈی آئی جی ناصر آفتاب کو ڈی آئی جی سکھر کا اضافی چارج بھی سونپا گیا ہے۔