تیل و گیس کے نئے ذخائر کی دریافت ہماری ترجیح ہونی چاہئے: شہباز شریف
Web Desk
1 January 2026
وزیراعظم شہباز شریف نے کہا ہے کہ ملک میں تیل و گیس کے نئے ذخائر کی دریافت ہماری ترجیحات میں شامل ہونی چاہیے تاکہ پٹرولیم مصنوعات کی درآمد پر خرچ ہونے والا قیمتی زرِ مبادلہ بچایا جا سکے۔
وزیراعظم کی زیر صدارت پٹرولیم ڈویژن کے امور پر اہم اجلاس منعقد ہوا، جس میں انہوں نے تیل و گیس کی سپلائی چین کو درآمد سے لے کر صارف تک ترجیحی بنیادوں پر ڈیجیٹائز کرنے کی ہدایت کی۔ وزیراعظم کا کہنا تھا کہ سپلائی چین کی ڈیجیٹائزیشن سے تیل و گیس مصنوعات کی سمگلنگ کی مؤثر روک تھام ممکن ہوگی اور قومی خزانے کو فائدہ پہنچے گا۔
اجلاس کے دوران پٹرولیم و گیس سیکٹر کے روڈمیپ پر بریفنگ دی گئی، جس میں بتایا گیا کہ آئل اینڈ گیس ڈویلپمنٹ کمپنی (او جی ڈی سی ایل) نے ضلع کوہاٹ کے ناشپا بلاک میں تیل و گیس کے بڑے ذخائر دریافت کر لیے ہیں۔
وزیراعظم شہباز شریف نے ناشپا بلاک میں تیل اور گیس کے ذخائر کی دریافت پر قوم کو مبارکباد دیتے ہوئے متعلقہ اداروں کی کارکردگی کو سراہا۔ اجلاس کو آگاہ کیا گیا کہ ان ذخائر سے یومیہ 4 ہزار 100 بیرل تیل حاصل کیا جا سکے گا، جو ملکی توانائی ضروریات پوری کرنے اور درآمدی انحصار کم کرنے میں مددگار ثابت ہوگا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026