LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پنجاب میں پتنگ بازی پر پابندی کے قانون پر سختی سے عملدرآمد، بسنت صرف محدود دنوں کے لیے اجازت

Web Desk

1 January 2026

لاہور: محکمہ داخلہ پنجاب نے صوبے کے تمام اضلاع میں پتنگ بازی پر پابندی کے قانون پر سختی سے عملدرآمد کے لیے ہدایات جاری کر دی ہیں۔
کمشنرز، ڈپٹی کمشنرز، آر پی اوز، سی پی اوز اور ڈی پی اوز کو مراسلہ بھیجا گیا ہے کہ وہ قانون کے مطابق اقدامات یقینی بنائیں۔

حکومت پنجاب نے صوبے کے بعض علاقوں میں غیر قانونی پتنگ بازی کے بڑھتے ہوئے واقعات پر تشویش کا اظہار کیا ہے۔
صوبہ بھر میں “کائٹ فلائنگ ریگولیشنز بل 2025” کے تحت پتنگ بازی پر پابندی عائد ہے اور مقررہ وقت سے قبل کسی بھی مقام پر پتنگ بازی یا پتنگ سازی کی اجازت نہیں ہے۔

محکمہ داخلہ کے مطابق غیر قانونی پتنگ بازی انسانی جانوں اور عوامی تحفظ کے لیے سنگین خطرہ ہے اور اس کے باعث راہگیروں کے زخمی ہونے کے واقعات بھی رپورٹ ہوئے ہیں۔
انسانی جانوں کا تحفظ حکومت کی اولین ترجیح ہے اور اس کے لیے خطرہ بننے والی پتنگ بازی کی کسی صورت اجازت نہیں دی جا سکتی۔

صوبائی کابینہ نے جشن بہاراں کے دوران 6، 7 اور 8 فروری کو لاہور میں محدود پیمانے پر محفوظ بسنت کی اجازت دی ہے۔
بسنت کے دوران بھی تیز، دھاتی ڈور یا مانجھا استعمال کرنے کی اجازت نہیں ہوگی۔

محکمہ داخلہ نے ہدایت کی ہے کہ بغیر اجازت پتنگ سازی یا فروخت کرنے والے افراد کے خلاف بھاری جرمانے اور طویل قید کی کارروائی کی جائے۔
تمام کارروائیاں کائٹ فلائنگ ریگولیشنز بل 2025 کے مطابق کی جائیں گی اور پتنگ بازی میں ملوث افراد، سازوسامان فراہم کرنے والوں سمیت بلا امتیاز گرفتاری عمل میں لائی جائے۔

تمام اضلاع ہدایات پر عملدرآمد کی رپورٹ محکمہ داخلہ پنجاب کو جمع کرائیں۔