LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

زرمبادلہ میں اضافہ، 10لاکھ نئے ٹیکس دہندگان نظام میں شامل ہوئے: وزیراعظم

Web Desk

31 December 2025

وزیراعظم شہباز شریف نے کہا ہے کہ دس لاکھ سے زائد نئے ٹیکس دہندگان کو ٹیکس نظام میں شامل کیا جا چکا ہے جو معاشی اصلاحات کی کامیابی کا واضح ثبوت ہے۔

وفاقی دارالحکومت میں وزیر خزانہ محمد اورنگزیب کے ہمراہ اقتصادی گورننس اصلاحات کی تقریبِ رونمائی سے خطاب کرتے ہوئے وزیراعظم نے کہا کہ آج کا دن صرف ایک اصلاحاتی پروگرام کے آغاز کا نہیں بلکہ غور و فکر اور عزم کی تجدید کا دن ہے۔

وزیراعظم نے کہا کہ اقتدار سنبھالتے وقت ملک کو شدید معاشی چیلنجز درپیش تھے، افراطِ زر تقریباً 30 فیصد تک پہنچ چکا تھا اور زرمبادلہ کے ذخائر تیزی سے کم ہو رہے تھے۔ انہوں نے کہا کہ معاشی اصلاحات آسان نہیں تھیں، تاہم مشکل حالات کے باوجود حکومت نے معیشت کو درست سمت میں ڈالا۔

شہباز شریف کے مطابق گزشتہ دو سال کے دوران پاکستان نے نمایاں معاشی بہتری دکھائی، افراطِ زر 29.2 فیصد سے کم ہو کر 4.5 فیصد پر آ گئی، جبکہ زرمبادلہ کے ذخائر 9.2 ارب ڈالر سے بڑھ کر 21.2 ارب ڈالر سے تجاوز کر گئے ہیں۔

انہوں نے بتایا کہ کرنٹ اکاؤنٹ خسارہ 3.3 ارب ڈالر سے تبدیل ہو کر 1.9 ارب ڈالر کے سرپلس میں بدل چکا ہے، جبکہ ٹیکس ٹو جی ڈی پی تناسب 8 فیصد سے بڑھ کر 10 فیصد سے زائد ہو گیا ہے۔ وزیراعظم کے مطابق 2025 میں ٹیکس وصولیوں میں 26 فیصد اضافہ ریکارڈ کیا گیا۔

وزیراعظم نے کہا کہ حکومت نے پرائیویٹائزیشن جیسے سخت مگر ناگزیر فیصلے کیے، جن کے تحت پی آئی اے اور فرسٹ ویمن بینک کی نجکاری کامیابی سے مکمل کی گئی۔ انہوں نے کہا کہ ایف بی آر کو پہلی بار کاغذی نظام سے نکال کر ڈیجیٹلائز کیا گیا ہے۔

شہباز شریف کا کہنا تھا کہ معاشی بہتری کے لیے اصلاحات ناگزیر ہیں اور عالمی کریڈٹ ریٹنگ ایجنسیوں نے پاکستان کی معاشی اصلاحات اور بہتری کو سراہا ہے۔ ان کے مطابق حکومت کے مشکل فیصلوں کے نتائج خود بول رہے ہیں اور اصلاحات کا سفر درست سمت میں آگے بڑھ رہا ہے۔

وزیراعظم نے مزید کہا کہ مالی نظم و ضبط بحال کیا گیا، سرکاری مالیاتی نظام کو مضبوط بنایا گیا اور حکومتی نظام کو وسیع پیمانے پر ڈیجیٹل نظام میں منتقل کیا گیا، جبکہ یہ تمام کامیابیاں ٹیم ورک کے بغیر ممکن نہیں تھیں۔