بگ بیش لیگ کے دوران انجری کا شکار شاہین شاہ آفریدی وطن واپسی کیلئے روانہ

پاکستان کرکٹ ٹیم کے فاسٹ باؤلر شاہین شاہ آفریدی بگ بیش لیگ چھوڑ کر آج رات وطن واپس روانہ ہوں گے۔ شاہین شاہ آفریدی نے اپنی فرنچائز برسبین ہیٹ کی مینجمنٹ کو اس فیصلے سے آگاہ کر دیا ہے۔

ذرائع کے مطابق شاہین شاہ آفریدی بگ بیش لیگ کے دوران گھٹنے کی انجری کا شکار ہوئے تھے، جس کے باعث انہوں نے آنے والے ورلڈ کپ کو مدنظر رکھتے ہوئے احتیاط برتنے کا فیصلہ کیا ہے۔ شاہین کسی بھی صورت انجری پر سمجھوتہ نہیں کرنا چاہتے۔

ذرائع کا کہنا ہے کہ وطن واپسی کے بعد شاہین شاہ آفریدی نیشنل ہائی پرفارمنس سینٹر میں اپنی ری ہیب اور فٹنس پروگرام کا آغاز کریں گے تاکہ مکمل فٹ ہو کر قومی ٹیم کو دستیاب ہو سکیں۔

واضح رہے کہ شاہین شاہ آفریدی اب تک بگ بیش لیگ میں برسبین ہیٹ کی نمائندگی کرتے ہوئے چار میچز کھیل چکے ہیں۔