مختلف شہروں میں بارش، برفباری کی پیشگوئی، پہاڑوں پر لینڈ سلائیڈنگ کا خطرہ
Web Desk
29 December 2025
ملک کے مختلف شہروں میں بارش اور برفباری کی پیشگوئی کے پیشِ نظر متعلقہ اداروں نے الرٹ جاری کر دیا ہے، جبکہ پہاڑی علاقوں میں لینڈ سلائیڈنگ کے خطرے کے باعث شہریوں اور مسافروں کو احتیاطی تدابیر اختیار کرنے کی ہدایت کی گئی ہے۔
محکمہ موسمیات کے مطابق خیبر پختونخوا اور بلوچستان میں آج سے یکم جنوری تک بارشوں کا امکان ہے، جبکہ پنجاب کے مختلف علاقوں میں آج سے 2 جنوری تک بارش متوقع ہے۔ لاہور، گجرات، گوجرانوالہ، فیصل آباد اور گرد و نواح میں بادل برسنے کا امکان ظاہر کیا گیا ہے۔ کراچی میں موسمِ سرما کی پہلی بارش 30 دسمبر کو ہونے کی توقع ہے۔
پی ڈی ایم اے کے مطابق آج رات سے یکم جنوری کے دوران کوئٹہ، زیارت، چمن، پشین اور قلعہ عبداللہ میں بارش کا امکان ہے، جبکہ قلعہ سیف اللہ، نوشکی، چاغی، ہرنائی، بارکھان، سبی اور لورالائی میں بھی بارش متوقع ہے۔
پی ڈی ایم اے نے مزید بتایا کہ موسیٰ خیل، دکی، گوادر، حب، لسبیلہ، کیچ، آواران اور پنجگور میں بھی بارش کا امکان ہے، جبکہ خضدار، قلات، مستونگ، کچھی، واشک، خاران، سوراب، ژوب اور شیرانی میں بھی بارش کی پیشگوئی کی گئی ہے۔
ادارے کے مطابق اس دوران کوئٹہ، زیارت، قلات، پشین اور شمالی اضلاع کے پہاڑی علاقوں میں برفباری کا بھی امکان ہے، جس کے باعث سردی کی شدت میں اضافہ ہو سکتا ہے۔ حکام نے عوام کو غیر ضروری سفر سے گریز اور احتیاطی تدابیر اختیار کرنے کی ہدایت کی ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026