بینظیر کی برسی تقریب: بلاول بھٹو نے آصف زرداری کو مفاہمت کا بادشاہ قرار دیدیا
Web Desk
27 December 2025
چیئرمین پاکستان پیپلزپارٹی بلاول بھٹو زرداری نے شہید محترمہ بے نظیر بھٹو کی 18ویں برسی کے موقع پر گڑھی خدا بخش میں جلسے سے خطاب کرتے ہوئے سابق صدر آصف علی زرداری کو مفاہمت کا بادشاہ قرار دے دیا۔ انہوں نے کہا کہ شہید بے نظیر بھٹو کا آخری پیغام بھی مفاہمت تھا اور ملک کو سیاسی بحران سے نکالنے کے لیے آج نہیں تو کل مفاہمت ناگزیر ہو گی۔
بلاول بھٹو زرداری نے کہا کہ محترمہ کی شہادت کو اٹھارہ سال گزر چکے ہیں مگر آج بھی چاروں صوبوں سے عوام بڑی تعداد میں گڑھی خدا بخش پہنچتے ہیں، جو اس بات کا ثبوت ہے کہ بے نظیر بھٹو کل بھی زندہ تھیں اور آج بھی زندہ ہیں۔ انہوں نے کہا کہ جیالوں کی محبت ہی ہماری اصل طاقت ہے۔
چیئرمین پیپلزپارٹی کا کہنا تھا کہ بھارت کے خلاف جنگ میں کامیابی پوری قوم کی جیت ہے اور یہ سال کی سب سے بڑی خبر ہے۔ انہوں نے کہا کہ آصف زرداری نے چین سے جنگی طیارے منگوا کر دفاع کو مضبوط کیا اور سی پیک کی بنیاد رکھ کر دوستی کو مزید مستحکم کیا۔
انہوں نے کہا کہ پاکستان اس وقت سیاسی اور معاشی بحران سے گزر رہا ہے، مہنگائی، بے روزگاری اور غربت نے عوام کو شدید مشکلات میں ڈال دیا ہے۔ بجلی، گیس اور اشیائے ضروریہ کی قیمتوں میں مسلسل اضافہ ہو رہا ہے، جبکہ اداروں میں صلاحیت کا بحران بھی موجود ہے۔
بلاول بھٹو نے کہا کہ پیپلزپارٹی ہی وہ جماعت ہے جس کے پاس عوام کو مشکلات سے نکالنے کی صلاحیت اور منشور موجود ہے۔ انہوں نے بے نظیر انکم سپورٹ پروگرام، سندھ میں غریب خواتین کے لیے بیس لاکھ گھروں کی تعمیر، این آئی سی وی ڈی اور گمبٹ میں مفت علاج کی سہولیات کو پیپلزپارٹی کی عوام دوست پالیسیوں کی مثال قرار دیا۔
چیئرمین پیپلزپارٹی نے کہا کہ زراعت ملکی معیشت کی ریڑھ کی ہڈی ہے اور زرعی ایمرجنسی پر وزیراعظم کے شکر گزار ہیں۔ انہوں نے زور دیا کہ سیاسی انتہا پسندی کو چھوڑ کر سیاست کو دوبارہ سیاست کے دائرے میں لانا ہوگا۔
خطاب کے اختتام پر بلاول بھٹو زرداری نے کہا کہ اگر کسی ایک سیاسی رہنما سے مفاہمت کی امید کی جا سکتی ہے تو وہ صدر آصف علی زرداری ہیں، اور ملکی مفاد میں تمام سیاسی قوتوں کو مل کر آگے بڑھنا ہوگا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026