نیشنل ایتھلیٹکس چیمپین شپ ملتوی ہونے کا خدشہ

نیشنل ایتھلیٹکس چیمپین شپ کے انعقاد پر غیر یقینی صورتحال پیدا ہو گئی ہے۔ ڈیپارٹمنٹس نے ایونٹ ملتوی کرنے کے لیے ایتھلیٹکس فیڈریشن کو آگاہ کر دیا ہے۔ چیمپین شپ 29 سے 31 دسمبر تک اسلام آباد میں شیڈول ہے۔

ذرائع کے مطابق کراچی نیشنل گیمز میں کھلاڑیوں کی بھرپور شرکت کے باعث بیک ٹو بیک ایونٹس ایتھلیٹس کی فٹنس کے لیے سنگین خطرات پیدا کر سکتے ہیں۔ ماہرین کا کہنا ہے کہ کھلاڑیوں کو غیر ضروری انجریز سے بچانا نہایت اہم ہے، اسی لیے ان کی فٹنس ریکوری کے لیے چیمپین شپ دو ماہ کے لیے ملتوی کرنے کی تجویز دی گئی ہے۔