وزیراعلیٰ خیبر پختونخوا سہیل آفریدی کی پنجاب آمد، بھرپور استقبال کے لیے انتظامات مکمل
Web Desk
25 December 2025
وزیراعلیٰ خیبر پختونخوا سہیل آفریدی کی پنجاب آمد کے موقع پر ان کے بھرپور استقبال کے لیے تمام انتظامات مکمل کرلیے گئے ہیں۔ پی ٹی آئی پنجاب کی چیف آرگنائزر عالیہ حمزہ نے اس سلسلے میں استقبالیہ کمیٹی تشکیل دے دی ہے۔
پی ٹی آئی پنجاب کے مطابق وزیراعلیٰ خیبر پختونخوا کے دورہ لاہور کے حوالے سے تیاریاں مکمل ہیں، جبکہ چکری انٹرچینج سے لاہور تک ان کے استقبال اور انتظامات کی نگرانی استقبالیہ کمیٹی کرے گی۔
پارٹی اعلامیے کے مطابق وزیراعلیٰ خیبر پختونخوا سہیل آفریدی کا منظم اور بھرپور خیرمقدم کیا جائے گا۔ استقبالیہ کمیٹی میں ڈاکٹر علی عمران ایڈووکیٹ، ظفر اقبال گوندل اور چوہدری نذیر شامل ہیں۔
اس کے علاوہ زبیر خان، زیاد کیانی، فرخ سیال اور فیاض تبسم بھی کمیٹی کا حصہ ہوں گے، جبکہ راجہ عمران جاوید، سردار آصف عثمان ٹائیگر سمیت دیگر پی ٹی آئی رہنما بھی استقبالیہ انتظامات میں شریک ہوں گے۔
ذرائع کے مطابق وزیراعلیٰ خیبر پختونخوا سہیل آفریدی 26 دسمبر کو تین روزہ دورے پر لاہور پہنچیں گے۔ امکان ہے کہ وہ کوٹ لکھپت جیل میں پی ٹی آئی وائس چیئرمین شاہ محمود قریشی سے ملاقات بھی کریں گے۔
دورے کے پہلے روز وزیراعلیٰ خیبر پختونخوا پنجاب اسمبلی کا دورہ کریں گے، جہاں وہ پی ٹی آئی کی پارلیمانی پارٹی سے ملاقات کریں گے۔ ملاقات کے بعد وزیراعلیٰ خیبر پختونخوا کی جانب سے میڈیا سے گفتگو متوقع ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026