LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

8 فروری کو پاکستان سمیت دنیا بھر میں یومِ سیاہ منانے، ہڑتال اور آئندہ کی حکمت عملی پرمشاورت

Web Desk

24 December 2025

تحریک تحفظِ آئین پاکستان کا اجلاس اتحاد کے سربراہ محمود خان اچکزئی کی زیر صدارت منعقد ہوا، جس میں اتحاد کے وائس چیئرمین سینیٹر علامہ راجہ ناصر عباس، بی این پی (مینگل) کے رہنما ساجد ترین، سیکرٹری جنرل تحریک تحفظِ آئین اسد قیصر، وائس چیئرمین مصطفیٰ نواز کھوکھر اور ترجمان اتحاد اخونزادہ حسین یوسفزئی نے شرکت کی۔

اجلاس میں اپوزیشن کی دو روزہ کامیاب قومی کانفرنس، 8 فروری کو پاکستان سمیت دنیا بھر میں یومِ سیاہ منانے، ہڑتال اور آئندہ کی حکمت عملی پر تفصیلی مشاورت کی گئی۔ وزیراعظم کی جانب سے دی گئی مذاکرات کی دعوت بھی اجلاس کے ایجنڈے میں شامل رہی۔

شرکاء نے اصولی طور پر اس بات پر اتفاق کیا کہ ملک کو درپیش سیاسی و معاشی بحران، امن و امان کی صورتحال، گورننس کے فقدان اور عوامی مایوسی کے خاتمے کے لیے ایک نئے قومی میثاق کی اشد ضرورت ہے۔

اجلاس میں کہا گیا کہ اپوزیشن شفاف انتخابات، متفقہ نئے الیکشن کمشنر کی تقرری، پارلیمانی بالادستی، قانون کی حکمرانی، انسانی حقوق کے تحفظ اور آئینی و جمہوری اقدار کے استحکام کے لیے ڈائیلاگ پر تیار ہے۔

یاد رہے کہ تحریک تحفظِ آئین کی نمائندگی کرتے ہوئے محمود خان اچکزئی نے اسپیکر قومی اسمبلی کی مذاکرات کی دعوت کے جواب میں ایوان میں واضح کیا تھا کہ اگر تمام سیاسی جماعتیں 1973 کے آئین کی بحالی، پارلیمانی و سویلین بالادستی اور اداروں کی آئینی حدود کی پاسداری پر متفق ہوں تو وہ عمران خان سے نئے میثاق پر دستخط کرانے کی ذمہ داری لینے کو تیار ہیں۔