امریکا میں سکھ رہنما کے قتل کی سازش میں ملوث بھارتی شہری کو 19 سال قید
Web Desk
21 November 2026
امریکا میں بھارتی حکومت کی پشت پناہی سے ایک سکھ علیحدگی پسند رہنما کو قتل کرنے کی ناکام سازش کا اعتراف کرنے والے بھارتی شہری کو 19 سال سے زائد قید کی سزا سنا دی گئی ہے۔
غیر ملکی خبر رساں ایجنسی کے مطابق قتل کی یہ سازش اس وسیع تر مہم کا حصہ تھی جسے امریکی اور کینیڈین حکام بھارتی حکومت کے ناقدین اور مخالفین کو بیرونِ ملک نشانہ بنانے کی منظم کوشش قرار دیتے ہیں۔
خبر رساں ادارے نے بتایا کہ 55 سالہ بھارتی شہری نکھل گپتا نے رواں سال فروری میں اجرتی قتل، اجرتی قتل کی سازش اور منی لانڈرنگ کی سازش کے سنگین الزامات میں عدالت کے روبرو اعترافِ جرم کر لیا تھا۔
امریکی استغاثہ نے نکھل گپتا پر الزام عائد کیا تھا کہ اس نے ایک بھارتی سرکاری اہلکار کے ساتھ مل کر نیویارک میں قائم تنظیم ’سکھس فار جسٹس‘ کے رہنما اور امریکی و کینیڈین شہریت کے حامل گرپتونت سنگھ پنوں کو قتل کرنے کی سازش تیار کی تھی۔
عدالتی دستاویزات میں انکشاف کیا گیا ہے کہ نکھل گپتا اور بھارتی حکومتی اہلکار وکاش یادو نے ایک مبینہ قاتل کو پیشگی ادائیگی کے طور پر 15 ہزار ڈالر نقد رقم پہنچانے کا انتظام کیا تھا، تاہم وہ شخص دراصل امریکی قانون نافذ کرنے والے ادارے کا ایک خفیہ اہلکار نکلا۔
واضح رہے کہ بھارتی سرکاری اہلکار وکاش یادو پر بھی اس مقدمے میں باضابطہ فردِ جرم عائد کی جا چکی ہے، تاہم وہ اس وقت امریکی حراست میں نہیں ہے اور یہ بھی واضح نہیں ہو سکا کہ آیا اس نے مقدمے کی پیروی کے لیے اپنا کوئی وکیل مقرر کیا ہے یا نہیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026