LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل امریکی صدر نے ایران پر دوبارہ حملوں کا معاملہ اگلے سال تک ملتوی کردیا امریکی سینیٹ نے ٹرمپ کو ایران پر حملوں سے روکنے کی قرارداد مسترد کر دی ترکیہ نے اپنا پہلا بغیر پائلٹ جنگی طیارہ قزل ایلما مسلح افواج کے حوالے کر دیا اینتھروپک کے حصص کی فروخت، کمپنی کی مالیت 15 کھرب تک پہنچ گئی ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز

جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا

Web Desk

20 November 2026

متحدہ عرب امارات کی ریاست شارجہ میں جدید سائنسی تحقیق، ٹیکنالوجی اور اختراعات کے فروغ کے لیے ’شارجہ انوویشن ڈیز 2026ء‘ کا باقاعدہ افتتاح کر دیا گیا ہے۔

شارجہ کے حکمران کے دفتر کے چیئرمین شیخ ڈاکٹر سالم بن عبدالرحمن القاسمی نے 18 نومبر کو شارجہ ریسرچ، ٹیکنالوجی اینڈ انوویشن پارک میں منعقدہ افتتاحی تقریب میں خصوصی شرکت کی۔ اس پروگرام کا بنیادی مقصد جدید سائنسی تحقیق کو عوامی ضروریات سے منسلک کرنے کے ساتھ ساتھ سرکاری اور نجی اداروں کے درمیان باہمی تعاون کو فروغ دینا ہے۔

افتتاحی تقریب سے خطاب کرتے ہوئے شارجہ ریسرچ، ٹیکنالوجی اینڈ انوویشن پارک کے چیف ایگزیکٹو آفیسر ڈاکٹر حسین المحمودی نے کہا کہ اختراعات کو معاشرے کی حقیقی ضروریات سے ہم آہنگ کرنا ادارے کی اولین ترجیحات میں شامل ہے۔ انہوں نے مزید کہا کہ شارجہ حکومت، جامعات، ٹیکنالوجی کمپنیوں اور نجی شعبے کے درمیان اشتراکِ عمل تحقیق اور جدید ٹیکنالوجی کے عملی استعمال کے لیے انتہائی اہمیت رکھتا ہے۔

المدثر نیوز ایجنسی کے مطابق شارجہ انوویشن ڈیز 2026ء کے دوران خاص طور پر تعلیم اور صحت کے شعبوں میں جدید تحقیق اور ٹیکنالوجی کے استعمال کو اجاگر کیا گیا۔ اس سلسلے میں شارجہ سینٹر فار لرننگ ڈفیکلٹیز، ایمریٹس ہیلتھ سروسز اور شارجہ ہیلتھ اتھارٹی کے ساتھ اشتراک کی مثالیں پیش کی گئیں، جن کے ذریعے تعلیمی اور طبی شعبوں کو درپیش مسائل کے جدید اور مؤثر حل تلاش کرنے پر توجہ دی جا رہی ہے۔

اس موقع پر شارجہ ایگزیکٹو کونسل کے جنرل سیکرٹریٹ میں حکومتی ترقی کے ڈائریکٹر حمید الشامسی نے بھی خطاب کیا اور سرکاری خدمات کی بہتری میں اختراعات کے کردار کو کلیدی قرار دیا۔ منتظمین کے مطابق تحقیق، تعلیم، صحت اور جدید ٹیکنالوجی کے درمیان روابط مضبوط بنانے سے عوامی خدمات کے معیار میں نمایاں بہتری لائی جا سکتی ہے، اور شارجہ انوویشن ڈیز کا انعقاد ریاست میں ٹیکنالوجی پر مبنی ترقیاتی اقدامات کو آگے بڑھانے کی کوششوں کا اہم حصہ ہے۔