LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل امریکی صدر نے ایران پر دوبارہ حملوں کا معاملہ اگلے سال تک ملتوی کردیا امریکی سینیٹ نے ٹرمپ کو ایران پر حملوں سے روکنے کی قرارداد مسترد کر دی ترکیہ نے اپنا پہلا بغیر پائلٹ جنگی طیارہ قزل ایلما مسلح افواج کے حوالے کر دیا اینتھروپک کے حصص کی فروخت، کمپنی کی مالیت 15 کھرب تک پہنچ گئی ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز

پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت

Web Desk

20 November 2026

پاکستان سمیت 15 ممالک کے وزرائے خارجہ نے مقبوضہ فلسطینی علاقوں میں غیر قانونی اسرائیلی بستیوں کی تعمیر اور غزہ میں اسرائیلی فوجی کارروائیوں میں اضافے کی شدید مذمت کرتے ہوئے عالمی برادری سے اسرائیل کے غیر قانونی قبضے کو کسی قسم کی قانونی حیثیت نہ دینے کا مطالبہ کیا ہے۔

پاکستان، سعودی عرب، ترکیہ، مصر، قطر اور اردن سمیت 15 ممالک کے وزرائے خارجہ کی جانب سے جاری کردہ مشترکہ بیان میں برطانیہ اور آسٹریلیا کی جانب سے عائد کی گئی پابندیوں کے فیصلوں کا خیرمقدم کیا گیا ہے، اور بالخصوص غزہ میں انسانی امداد کی فراہمی میں رکاوٹ ڈالنے والی تنظیم کے خلاف برطانیہ کی پابندیوں کو سراہا گیا ہے۔ وزرائے خارجہ نے امید ظاہر کی کہ برطانیہ اور آسٹریلیا کے ان اقدامات سے دیگر ممالک کو بھی غیر قانونی اسرائیلی سرگرمیوں کے خلاف عملی قدم اٹھانے کی ترغیب ملے گی۔

مشترکہ اعلامیے میں 15 ممالک کے وزرائے خارجہ نے غزہ میں اسرائیلی فوجی کارروائیوں میں اضافے پر گہری تشویش کا اظہار کرتے ہوئے تنازع کے خاتمے کے لیے امریکی صدر ڈونلڈ ٹرمپ کے جامع منصوبے پر فوری عمل درآمد کا مطالبہ کیا ہے۔ بیان میں اس بات پر بھی زور دیا گیا کہ خطے میں کشیدگی کے خاتمے اور سنگین انسانی بحران سے نمٹنے کے لیے بین الاقوامی کوششیں تیز کرنا ناگزیر ہو چکا ہے۔

وزرائے خارجہ نے دو ٹوک مؤقف دہرایا کہ مشرقِ وسطیٰ میں پائیدار اور منصفانہ امن کے قیام کا واحد قابلِ عمل راستہ دو ریاستی حل ہے، جس کے تحت ایک آزاد اور خودمختار فلسطینی ریاست کا قیام عمل میں لایا جائے۔