پاکستان مختلف شہروں میں مزید بارش اور برفباری، موسم دلفریب

پاکستان ملک کے مختلف شہروں میں مزید بارش اور برفباری سے موسم خوشگوار مگر سرد ہوگیا۔ وادیٔ نیلم میں تیسرے روز بھی وقفے وقفے سے بارش اور برفباری کا سلسلہ جاری رہا، جس سے سردی کی شدت میں اضافہ ہوا، جبکہ بالائی علاقوں میں دو فٹ سے زائد برفباری ریکارڈ کی گئی۔ مظفرآباد کے پہاڑوں پر برفباری کا سلسلہ تھم گیا ہے۔

محکمۂ موسمیات کے مطابق لہہ میں درجۂ حرارت منفی 8، گوپس منفی 4، کالام اور کوئٹہ میں منفی 3، قلات میں منفی 2 اور مالم جبہ میں منفی ایک سینٹی گریڈ ریکارڈ کیا گیا۔ ادھر ملک کے بیشتر علاقوں میں آج دھند چھائے رہنے کا امکان ہے۔