انقرہ میں طیارہ حادثہ، لیبیا کے آرمی چیف جاں بحق
Web Desk
23 December 2025
ترکیہ کے دارالحکومت انقرہ میں ایک طیارہ حادثے کا شکار ہو گیا جس کے نتیجے میں لیبیا کے آرمی چیف جنرل محمد علی الحداد جاں بحق ہو گئے۔
ذرائع کے مطابق طیارہ انقرہ کے ایسن بوغا ایئرپورٹ سے لیبیا کے دارالحکومت طرابلس کے لیے روانہ ہوا، تاہم اڑان بھرنے کے کچھ دیر بعد طیارے میں اچانک تکنیکی خرابی پیدا ہو گئی۔ اڑان کے تقریباً 30 منٹ بعد طیارے کا ایئر ٹریفک کنٹرول سے رابطہ منقطع ہو گیا۔
رابطہ منقطع ہونے کے بعد طیارے نے واپس انقرہ کی جانب رخ موڑنے کی کوشش کی، تاہم لینڈنگ سے قبل ہی طیارہ حادثے کا شکار ہو گیا۔ طیارے میں لیبیا کے چیف آف اسٹاف سمیت مجموعی طور پر 5 افراد سوار تھے۔
لیبیا کے وزیراعظم عبدالحمید الدبیبہ نے آرمی چیف جنرل محمد علی الحداد کے جاں بحق ہونے کی تصدیق کر دی ہے۔ رپورٹس کے مطابق جنرل محمد علی الحداد آج ترکیہ کے دورے پر تھے جہاں انہوں نے ترک وزیر دفاع سے ملاقات کی، واپسی کے دوران یہ افسوسناک حادثہ پیش آیا۔
حادثے کے بعد ترکیہ نے فضائی حدود عارضی طور پر بند کر دی ہیں جبکہ سرچ اینڈ ریسکیو ٹیموں اور سیکیورٹی اداروں کو ہائی الرٹ کر دیا گیا ہے۔
دوسری جانب ترک وزیر داخلہ کا کہنا ہے کہ طیارہ شام 8 بج کر 10 منٹ پر روانہ ہوا جبکہ 8 بج کر 52 منٹ پر اس کا رابطہ منقطع ہو گیا۔ حیمانہ کے قریب ہنگامی لینڈنگ کی اطلاع موصول ہوئی، تاہم اس کے بعد طیارے سے دوبارہ رابطہ قائم نہ ہو سکا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026