چھوٹے صوبے ناگزیز، سندھ میں خون کا قطرہ بھی گرا تو ذمہ دار بلاول ہونگے: مصطفیٰ کمال
Web Desk
18 November 2026
وفاقی وزیر صحت مصطفیٰ کمال نے چھوٹے صوبوں کے قیام کو ناگزیر قرار دیتے ہوئے مطالبہ کیا ہے کہ اس اہم معاملے پر عوامی رائے کو بالادستی دینے کے لیے ریفرنڈم کرایا جائے، کیونکہ وزیراعظم کے پاس ریفرنڈم کرانے کا اختیار موجود ہے اور امید ہے کہ تحریک انصاف بھی اس معاملے پر ریاست کے ساتھ کھڑی ہوگی۔ کراچی میں پریس کانفرنس کرتے ہوئے مصطفیٰ کمال نے پیپلز پارٹی کے چیئرمین بلاول بھٹو زرداری کے سندھ کی تقسیم سے متعلق بیان پر شدید افسوس کا اظہار کرتے ہوئے کہا کہ اگر سندھ میں خون کا ایک قطرہ بھی بہا تو اس کی ذمہ داری بلاول بھٹو پر عائد ہوگی۔ وفاقی وزیر نے الزام عائد کیا کہ پیپلز پارٹی کی 18 سالہ صوبائی حکومت کو 22 ہزار ارب روپے ملنے کے باوجود اختیارات اور فنڈز نچلی سطح تک منتقل نہیں ہوئے اور کراچی آج بھی رہنے کے قابل نہیں رہا، جبکہ 26ویں آئینی ترمیم میں مقامی حکومتوں کے اختیارات کی تشریح کی کوشش کو بھی پیپلز پارٹی نے کچل دیا۔ مصطفیٰ کمال کا مزید کہنا تھا کہ مردم شماری میں 73 لاکھ افراد کو شمار کیے بغیر اعداد و شمار مکمل کر دیے گئے اور سندھ کی 38 فیصد آبادی ہونے کے باوجود قومی ترقیاتی پروگرام میں حصہ نہیں دیا جا رہا، جبکہ ریاست کو اب فیصلہ کرنا ہوگا کہ اسے کسی ایک جماعت کو بچانا ہے یا پاکستان کو۔
متعلقہ عنوانات
بلاول 2020 سے کاروبارِ حکومت میں پارٹنر، کیا آپ لیکچر یا دھمکی دینے کا حق رکھتے ہیں؟ خواجہ آصف
18 November 2026
عدالت کا بشریٰ بی بی کو جیل میں ہر قسم کی ممکنہ سہولیات فراہم کرنے کا حکم
18 November 2026
سندھ کی تقسیم کے معاملے پر خونریزی کس بنیاد پر ہوگی؟ ملک احمد خان
18 November 2026
امیرِ جماعت اسلامی کا جمعے کو شوگر ملز کے باہر دھرنے کا اعلان
18 November 2026
سعودی عرب نے خلیجی ممالک کیلئے ہنگامی صحت منصوبے کی منظوری دیدی
18 November 2026
190 ملین پاؤنڈ کیس میں عمران خان کی سزا برقرار رہ سکتی ہے: طارق فضل چودھری
18 November 2026
پنجاب کے سرکاری سکولوں کے اساتذہ کے لیے نیا ڈریس کوڈ جاری
18 November 2026
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب
18 November 2026