کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
Web Desk
17 November 2026
متحدہ قومی موومنٹ (ایم کیو ایم) پاکستان کے سینئر رہنما ڈاکٹر فاروق ستار نے دوٹوک الفاظ میں کہا ہے کہ کراچی کسی کے باپ کی جاگیر نہیں ہے، اور پاکستان کے ہر شہری کو آئینی طور پر اس شہر میں رہنے، کاروبار کرنے اور اس کی ترقی میں بھرپور حصہ ڈالنے کا مکمل حق حاصل ہے۔
کراچی میں اہم پریس کانفرنس سے خطاب کرتے ہوئے فاروق ستار کا کہنا تھا کہ سندھی زبان بولنے والے ہمارے اپنے بھائی اور بہنیں ہیں، جن کے ساتھ ہمارا انصار اور مہاجرین والا رشتہ ہے۔ انہوں نے الزام عائد کیا کہ اپنے اقتدار اور کرپشن کو چھپانے کے لیے معصوم عوام کو گمراہ کیا جا رہا ہے، جبکہ بلاول بھٹو زرداری کے حالیہ بیان میں نفرت انگیزی اور اشتعال انگیزی واضح طور پر جھلکتی ہے۔ انہوں نے کہا کہ پاکستان کی تاریخ میں اس نوعیت کی ہیٹ اسپیچ اس سے پہلے کبھی نہیں دیکھی گئی، اور اس بیان کا اعلیٰ ترین سطح پر نوٹس لیا جانا چاہیے۔
انہوں نے طنز کرتے ہوئے کہا کہ تین سال تک اقتدار میں خاموش رہنے کے بعد اب اپوزیشن جماعتوں کو اچانک عوام کا خیال آ گیا ہے۔ کراچی کی تاریخی حیثیت بیان کرتے ہوئے فاروق ستار کا کہنا تھا کہ یہ شہر 1850ء میں آباد ہونا شروع ہوا، 1947ء میں اس کی آبادی ساڑھے تین لاکھ جبکہ 1951ء میں 12 لاکھ تھی۔ ہمارے آباواجداد نے اس بنجر دھرتی کو آباد کیا اور اس کی تعمیر و ترقی میں خون پسینہ ایک کیا۔
ایم کیو ایم رہنما نے مزید کہا کہ پختون، پنجابی، سرائیکی، ہزارہ وال، کشمیری، گلگتی اور بلتی سمیت ملک کی ہر زبان بولنے والے پاکستانی نے کراچی کی تعمیر و ترقی میں اپنا کلیدی کردار ادا کیا ہے، یہاں تک کہ سیلاب سے متاثر ہو کر کراچی آنے والے سندھی بھائی اور بہنیں بھی آج ہماری مشترکہ معاشرت کا اٹوٹ حصہ ہیں۔
انتظامی یونٹس کے حوالے سے گفتگو کرتے ہوئے ان کا کہنا تھا کہ عوام کو اکسا کر اور ورغلا کر نئے انتظامی یونٹس کے قیام کی مخالفت کی جا رہی ہے، حالانکہ نئے انتظامی یونٹس کا قیام صوبوں کے جغرافیے کو تقسیم کرنا نہیں بلکہ اصل میں اختیارات اور وسائل کی نچلی سطح پر منصفانہ تقسیم ہے۔ انہوں نے کہا کہ نئے یونٹس کے بننے سے اختیارات کے ناجائز استعمال کا ہمیشہ کے لیے خاتمہ ہو جائے گا۔
ڈاکٹر فاروق ستار نے واضح کیا کہ پچھلے 18 سالوں میں سندھ کے آٹھ کروڑ عوام پر مشتمل صوبہ نہیں سنبھالا جا سکا، تاہم انتظامی اصلاحات اور نئے یونٹس کے قیام کی اس جائز تحریک سے متحدہ قومی موومنٹ ہرگز پیچھے نہیں ہٹے گی۔ انہوں نے اعلان کیا کہ ہم پیچھے مڑ کر دیکھنے والے نہیں ہیں اور آنے والی 29 نومبر کو شاہراہِ فیصل کو عوام کے سمندر سے بھر دیں گے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026