LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری سالک حسین کا مریم نواز کو قانونی جواب، 2 نوٹس بھی بھجوا دیے ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی

پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری

Web Desk

16 November 2026

اسٹیٹ بینک آف پاکستان (ایس بی پی) نے ملکی معیشت کی کیفیت پر مالی سال 26ء کی سالانہ رپورٹ جاری کر دی ہے، جس کے مطابق گزشتہ مالی سال کے دوران تمام اہم اقتصادی اشاریے بہتر ہوئے اور معیشت نے داخلی و عالمی اقتصادی دھچکوں کے مقابلے میں بھرپور لچک کا مظاہرہ کیا۔ رپورٹ کے مطابق محتاط زری پالیسی اور معاشی اصلاحات نے معاشی استحکام کو محفوظ رکھنے میں کلیدی کردار ادا کیا جبکہ بڑے پیمانے کی اشیا سازی (ایل ایس ایم) کی پیداوار میں بحالی کے باعث حقیقی جی ڈی پی کی نمو میں اضافہ ریکارڈ کیا گیا، اور کارکنوں کی ترسیلاتِ زر میں مضبوط نمو کی بدولت جاری کھاتے کا خسارہ جی ڈی پی کے محض 0.1 فیصد تک محدود رہا۔ مرکزی بینک نے بتایا کہ زرمبادلہ کی خریداری اور پیشگی واجبات میں کمی سے زرمبادلہ ذخائر میں قابلِ قدر اضافہ ہوا جبکہ مشرقِ وسطیٰ میں کشیدگی کے باوجود مہنگائی وسط مدتی ہدف یعنی 5 سے 7 فیصد کی بالائی حد کے قریب رہی اور گزشتہ سال کے مقابلے میں گنے، چاول اور مکئی کی پیداوار میں بھی اضافہ دیکھنے میں آیا۔ آئندہ مالی سال 27ء کے حوالے سے اسٹیٹ بینک نے پیش گوئی کی ہے کہ حقیقی جی ڈی پی کی شرحِ نمو 3.5 سے 4.5 فیصد، جاری کھاتے کا خسارہ جی ڈی پی کے صفر سے ایک فیصد کی حد میں رہنے کا امکان ہے اور مہنگائی بتدریج کم ہو کر 5 سے 7 فیصد کے وسط مدتی ہدف میں آ جائے گی، تاہم رپورٹ میں خبردار کیا گیا ہے کہ ایل نینو کی ابتر صورتحال زرعی منظرنامے کے لیے ایک بڑا خطرہ بن سکتی ہے۔