میر رضا کیس، جے آئی ٹی اجلاس ختم، پولیس افسران سمیت متعدد افراد کے بیانات قلمبند

میر رضا کیس کی تحقیقات کے لیے قائم جوائنٹ انویسٹی گیشن ٹیم (جے آئی ٹی) کا دوسرا اجلاس چار گھنٹے سے زائد جاری رہنے کے بعد ختم ہو گیا، جس کے بعد جے آئی ٹی کے سربراہ ڈی آئی جی ویسٹ عرفان بلوچ دفتر سے روانہ ہو گئے۔ جے آئی ٹی ذرائع کے مطابق اجلاس کے دوران کیس کے اہم پہلوؤں کا جائزہ لیتے ہوئے سی آئی اے پولیس افسر غوث بخش اعوان، تفتیشی افسر ڈی ایس پی سراج لاشاری، سابق ایس ایچ او فیروز آباد عدیل افضال، سابق ایس ایچ او گلستانِ جوہر کامران قریشی اور ایس آئی او فیروز آباد شبیر لغاری سمیت متعدد پولیس افسران کے بیانات قلمبند کیے گئے۔ اس کے علاوہ جے آئی ٹی نے متوفی میر رضا کے کاروباری پارٹنر احمد بھاردے اور بھائی عبداللہ کے بیانات بھی ریکارڈ کیے، جبکہ کارروائی کے دوران میر رضا کے اہلِ خانہ بھی ڈی آئی جی ویسٹ آفس میں موجود رہے جو اجلاس کے اختتام پر جے آئی ٹی افسران اور دیگر افراد کے ہمراہ واپس روانہ ہو گئے۔