اسحاق ڈار کا ازبک وزیر خارجہ سے ٹیلیفونک رابطہ، ای سی او اجلاس پر تبادلہ خیال

نائب وزیراعظم و وزیرِ خارجہ سینیٹر اسحاق ڈار نے ازبکستان کے وزیرِ خارجہ بختیار سعیدوف سے ٹیلی فون پر رابطہ کیا ہے، جس میں آئندہ کثیرالجہتی اجلاسوں بالخصوص اسلام آباد میں منعقد ہونے والے اقتصادی تعاون تنظیم (ای سی او) کے وزرائے خارجہ اجلاس کے حوالے سے تفصیلی تبادلہ خیال کیا گیا۔ ترجمان دفترِ خارجہ کے مطابق ٹیلی فونک گفتگو کے دوران دونوں رہنماؤں نے پاکستان اور ازبکستان کے درمیان مختلف شعبوں میں دوطرفہ تعاون کو مزید مضبوط بنانے اور کثیرالجہتی فورمز پر باہمی رابطہ کاری بڑھانے کے عزم کا اعادہ کیا، جبکہ آئندہ مشترکہ سفارتی مصروفیات اور علاقائی و بین الاقوامی سطح پر تعاون کے امکانات بھی زیرِ غور آئے۔