شریعت کا نفاذ، سود کا خاتمہ ، قومی خودمختاری، افغانستان کو مفسد گروہوں کو باز رکھے، مجلس اتحادِ امت کا اعلامیہ
Web Desk
22 December 2025
مجلس اتحادِ امت کی جانب سے جاری کردہ اعلامیے میں حکومت سے مطالبہ کیا گیا ہے کہ ملک میں قانون سازی قرآن و سنت کے مطابق کی جائے اور نظامِ شریعت کو اولین ترجیح دی جائے۔ اعلامیے میں کہا گیا ہے کہ وفاقی شرعی عدالت طویل عرصے سے علما ججز سے خالی ہے، جس پر شدید تشویش پائی جاتی ہے، جبکہ اجتماع اس امر کا تقاضا کرتا ہے کہ فوری طور پر علما ججز کا تقرر کیا جائے۔
مجلس اتحادِ امت کے مطابق باوثوق ذرائع سے معلوم ہوا ہے کہ وزارتِ قانون کی جانب سے ایک یادداشت تیار کی گئی ہے جس میں بینکوں کو سود سے متعلق عدالتی احکامات سے استثنا دینے کی تجویز شامل ہے، جبکہ بعض بڑے بینکوں کو مبینہ طور پر استثنا دیے جانے کی اطلاعات بھی سامنے آئی ہیں۔ اعلامیے میں واضح کیا گیا ہے کہ دستور میں سود کے خاتمے کے لیے مقررہ مدت مکمل ہو چکی ہے، جس پر من و عن عمل کیا جانا چاہیے، کیونکہ تاحیات استثنا قرآن و سنت سے صراحتاً متصادم ہے۔
اعلامیے میں اس بات پر بھی زور دیا گیا ہے کہ غیر ملکی کمپنیاں پاکستان میں کام کرتے ہوئے ملک کے قوانین کی مکمل پابندی کریں۔ مجلس اتحادِ امت نے بنیان مرصوص میں کامیابی پر افواجِ پاکستان کو مبارکباد پیش کرتے ہوئے کہا کہ افواجِ پاکستان جذبۂ جہاد سے آراستہ ہیں اور آئینی ڈھانچے سے متصادم کسی ترمیم کو ختم کیا جانا چاہیے۔
مجلس اتحادِ امت نے مغربی اصطلاح میں ٹرانس جینڈر کے تصور پر بھی وضاحت کرتے ہوئے کہا کہ مغرب میں ہر فرد کو اپنی جنس کا خود فیصلہ کرنے کا حق دیا جاتا ہے، جو اسلامی تعلیمات سے مختلف ہے۔ اجتماع نے واضح کیا کہ مدارس اپنے نصاب اور نظامِ تعلیم میں پہلے کی طرح آزاد ہیں۔
اعلامیے میں افغانستان سے متعلق مطالبہ کیا گیا ہے کہ وہ اپنی سرزمین کو مفسد گروہوں کی آماجگاہ نہ بننے دے۔ فلسطین کے معاملے پر مجلس اتحادِ امت نے واضح مؤقف اختیار کرتے ہوئے کہا کہ حماس کو غیر مسلح کرنے کے لیے مسلم ممالک سے افواج بھیجنے کی بات کی جا رہی ہے، تاہم اجتماع حکومتِ پاکستان سے پوری تاکید کے ساتھ مطالبہ کرتا ہے کہ اس قسم کے کسی اقدام سے گریز کیا جائے اور کسی بھی بین الاقوامی دباؤ میں نہ آیا جائے۔
اعلامیے میں مزید کہا گیا ہے کہ آزادیِ فلسطین کی مقدس جدوجہد کے خلاف کھڑا ہونے کا تصور ہی ناممکن ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026