یوکرین جنگ کے خاتمے کی کوششیں تیز، کشنر اور وٹکوف کی ماسکو میں پیوٹن سے ملاقات

امریکی نمائندوں جیرڈ کشنر اور اسٹیو وٹکوف نے روسی دارالحکومت ماسکو میں صدر ولادیمیر پیوٹن سے اہم ملاقات کی ہے جس میں یوکرین جنگ کے خاتمے اور مجوزہ مذاکراتی عمل پر تفصیلی تبادلہ خیال کیا گیا۔ خبر رساں ادارے رائٹرز کے مطابق یوکرین تنازع کے حل کے لیے ابوظہبی میں مذاکرات کا ایک نیا دور بھی مکمل ہو چکا ہے، جبکہ ماسکو ملاقات کے بعد اب کشنر اور وٹکوف کی ڈبلن میں یوکرینی صدر ولادیمیر زیلنسکی سے ملاقات متوقع ہے۔ مذاکرات کے دوران امن عمل میں یورپی نمائندوں کی شمولیت کا معاملہ بھی زیرِ بحث آیا جہاں جیرڈ کشنر نے یورپ کو مذاکرات میں شرکت کے لیے اپنا ایک مشترکہ نمائندہ نامزد کرنے کا مشورہ دیا، تاہم روس نے یورپی نمائندوں کی شمولیت کی تجویز پر اعتراض اٹھایا ہے اور وہ یوکرین کی خودمختار سرزمین سے متعلق اپنے مطالبات سے دستبردار ہونے پر بھی تیار نہیں۔