شہباز شریف اور ترک صدر اردوان کی ملاقات، تجارت، دفاع اور توانائی کے شعبوں میں تعاون بڑھانے پر اتفاق

وزیراعظم محمد شہباز شریف اور ترک صدر رجب طیب اردوان کے درمیان ترکیہ کے شہر انطالیہ میں کوپ 31 (COP31) سربراہی اجلاس کے موقع پر اہم دوطرفہ ملاقات ہوئی، جس میں دونوں رہنماؤں نے پاکستان اور ترکیہ کے گہرے، تاریخی اور برادرانہ تعلقات کا اعادہ کرتے ہوئے تجارت، سرمایہ کاری، دفاعی تعاون، توانائی اور علاقائی روابط کے فروغ سمیت مختلف شعبوں میں تعاون بڑھانے پر تفصیلی تبادلہ خیال کیا۔ ملاقات میں جاری منصوبوں پر عملدرآمد تیز کرنے، اقتصادی روابط کو مزید مستحکم بنانے اور خطے کی بدلتی ہوئی صورتحال پر بھی گفتگو کی گئی، جہاں وزیراعظم شہباز شریف نے کشیدگی میں کمی اور مذاکرات کے فروغ کے لیے علاقائی ممالک بالخصوص معاہدہ مکہ کے رکن ممالک کی کوششوں کو اجاگر کیا جبکہ ترک صدر نے پاکستان کے تعمیری کردار اور اسلام آباد مفاہمتی یادداشت پر دستخط کے لیے کی جانے والی سفارتی کوششوں کو سراہا۔ دونوں رہنماؤں نے خطے میں پائیدار امن کے قیام کے لیے اسلام آباد مفاہمتی یادداشت کے تحت تمام فریقین کی جانب سے ذمہ داریوں کی پاسداری کی اہمیت پر زور دیا اور قومی مفاد کے بنیادی امور پر ایک دوسرے کی غیر متزلزل حمایت جاری رکھتے ہوئے سٹریٹجک شراکت داری کو مزید مضبوط بنانے کے عزم کا اظہار کیا۔