پاکستان میں جتنی پراکسیز کام کررہی ہیں ان کے پیچھے افغانستان ہے: اختیار ولی خان

وزیراعظم کے معاون اختیار ولی خان نے کہا ہے کہ پاکستان میں جتنی بھی پراکسیز کام کر رہی ہیں ان کے پیچھے افغانستان کا ہاتھ کارفرما ہے۔

کوہاٹ کے قریب غیر قانونی سونے کی مائننگ کرنے والے عناصر کے خلاف سکیورٹی فورسز کے آپریشن کے تناظر میں دنیا نیوز سے گفتگو کرتے ہوئے اختیار ولی خان کا کہنا تھا کہ ہم اپنی پاک فوج، پولیس اور تمام قانون نافذ کرنے والے اداروں کی قربانیوں اور پیشہ ورانہ کارکردگی کو بھرپور خراجِ تحسین پیش کرتے ہیں۔

انہوں نے مزید کہا کہ ہماری سکیورٹی فورسز کے حوصلے انتہائی بلند ہیں اور جوان جرات و بہادری کے ساتھ دہشت گردوں اور ملک دشمن عناصر کا مقابلہ کر رہے ہیں۔