حکومت نے پٹرولیم مصنوعات کی قیمتوں میں مزید کمی کردی

وفاقی حکومت نے عوام کو ریلیف دیتے ہوئے پیٹرولیم مصنوعات کی نئی قیمتوں کا باضابطہ اعلان کر دیا ہے، جس کے تحت پیٹرول اور ڈیزل کی قیمتوں میں کمی کی گئی ہے۔

پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول کی قیمت میں 3 روپے فی لٹر جبکہ ہائی اسپیڈ ڈیزل کی قیمت میں 7 روپے فی لٹر کمی کر دی گئی ہے۔ قیمتوں میں اس تازہ ردوبدل کے بعد ملک بھر میں پیٹرول کی نئی قیمت 335 روپے فی لٹر مقرر ہو گئی ہے جبکہ ہائی اسپیڈ ڈیزل کی نئی قیمت کم ہو کر 364 روپے فی لٹر پر آ گئی ہے۔

نوٹیفکیشن میں واضح کیا گیا ہے کہ پیٹرولیم مصنوعات کی نئی قیمتوں کا اطلاق رات 12 بجے کے بعد سے ہو گیا ہے اور یہ قیمتیں 12 نومبر تک نافذ العمل رہیں گی۔