وزیراعظم شہباز شریف کی زیر صدارت نجی شعبے کے ورکنگ گروپ کا اجلاس
Web Desk
22 December 2025
وزیراعظم محمد شہباز شریف کی زیر صدارت معاشی ترقی کے لیے توانائی کے شعبے سے متعلق تشکیل دی گئی نجی شعبے کی ورکنگ گروپ کا اہم اجلاس منعقد ہوا، جس میں وزیراعظم کو توانائی کے شعبے میں اصلاحات سے متعلق جامع سفارشات پیش کی گئیں۔
اجلاس کے دوران وزیراعظم نے وزیر پاور ڈویژن کو ہدایت کی کہ بجلی کے ویلنگ چارجز کو مناسب سطح پر لانے کے لیے تمام اسٹیک ہولڈرز سے مشاورت کے بعد قابلِ عمل سفارشات مرتب کی جائیں۔ وزیراعظم نے کہا کہ دیگر شعبوں میں قائم مختلف ورکنگ گروپس کی سفارشات مکمل ہونے کے بعد معیشت کی ترقی کے لیے ایک جامع قومی پروگرام ترتیب دیا جائے گا۔
وزیراعظم شہباز شریف نے کہا کہ بجلی کے ترسیلی نظام کو بہتر بنانا حکومت کی اولین ترجیح ہے اور اس حوالے سے تمام تر توجہ مرکوز کی جا رہی ہے۔ انہوں نے اس عزم کا اظہار کیا کہ صنعتوں کو علاقائی سطح پر مسابقتی نرخوں پر بجلی کی فراہمی کے لیے بھرپور کوششیں کی جا رہی ہیں تاکہ صنعتی ترقی اور برآمدات کو فروغ دیا جا سکے۔
وزیراعظم نے نجی شعبے سے مشاورت کے لیے شہزاد سلیم کی سربراہی میں قائم توانائی کمیٹی کی محنت اور کاوشوں کو سراہتے ہوئے ان کی تعریف کی۔ اجلاس میں ٹیرف اسٹرکچر، بجلی کی ترسیل میں درپیش مسائل، مناسب نرخوں اور توانائی کے شعبے سے متعلق دیگر اہم امور پر تفصیلی سفارشات پیش کی گئیں۔ اس کے علاوہ بجلی کی ٹرانسمشن اور وولٹیج کے نظام کو زیادہ قابلِ اعتماد بنانے سے متعلق تجاویز بھی پیش کی گئیں۔
اجلاس میں وفاقی وزیر موسمیاتی تبدیلی مصدق ملک، وفاقی وزیر اقتصادی امور احد خان چیمہ، وفاقی وزیر خزانہ و محصولات محمد اورنگزیب، وفاقی وزیر اطلاعات و نشریات عطاء اللہ تارڑ، وزیر پاور ڈویژن سردار اویس احمد خان لغاری، وزیر پیٹرولیم علی پرویز ملک، وزیر مملکت برائے خزانہ و ریلوے بلال اظہر کیانی، وزیراعظم کے معاون خصوصی ہارون اختر اور متعلقہ اعلیٰ سرکاری افسران نے شرکت کی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026